ନୂଆଦିଲ୍ଲୀ (ଏଟିଆର ବ୍ୟୁରୋ); କ୍ରିକେଟ ମହାକୁମ୍ଭ ପାଇଁ ଆସନ୍ତାକାଲି ଘୋଷଣା ହୋଇପାରେ ୧୫ ଜଣିଆ ସାମ୍ଭବ୍ୟ ଦଳ । ଆଇସିସି ନିର୍ଦ୍ଦେଶ ଅନୁସାରେ ଏପ୍ରିଲ ଶେଷ ସୁଦ୍ଧା ସମସ୍ତ ଦଳ ଘୋଷଣା କରିବା ପାଇଁ କୁହାଯାଇଛି । ବିଶ୍ୱକପରେ ଭାରତ ବିଜୟ ହେବାର ଆଶା ଅଧିକାଂଶ କ୍ରିକେଟ ବିଶେଷଜ୍ଞ ଆଶା ରଖିଥିବାରୁ ସମସ୍ତଙ୍କ ନଜର ରହିଛି ଦଳ ଚୟନ ଉପରେ । ତେବେ ଜାତୀୟ ଗଣମାଧ୍ୟମ ନ୍ୟୁ ଇଣ୍ଡିଆନ ଏକ୍ସପ୍ରେସରେ ପ୍ରକାଶ କରାଯାଇଛି କି ୧୪ ଜଣିଆ ଟିମ ବଛା ଯାଇଛି । ଆଉ ମାତ୍ର ଜଣକ ନାମ ବାକି ରହିଛି । ଆଜି ସଂନ୍ଧ୍ୟା ସୁଦ୍ଧା ଚୟନ କରାଯିବ । ଏବଂ କାଲି ଦଳ ଘୋଷଣା କରିବ ଭାରତ ।
ତେବେ ପ୍ରକାଶ ପାଇଥିବା ୧୪ ଜଣ ଖେଳାଳିଙ୍କ ମଧ୍ୟରେ ଅଛନ୍ତି ବିରାଟ କୋହଲି(ଅଧିନାୟକ),ରୋହିତ ଶର୍ମା,ଶିଖର ଧାୱନ,ମହେନ୍ଦ୍ର ସିଂହ ଧୋନୀ,କେଏଲ ରାହୁଲ,ରିଷଭ ପନ୍ଥ,ହାର୍ଦ୍ଦିକ ପାଣ୍ଡ୍ୟା,ୟୁଜବେନ୍ଦ୍ର ଚହଲ,କୂଳଦୀପ ଯାଦବ,ଭୁବନେଶ୍ୱର କୁମାର,ଯଶପ୍ରିତ ବୁମରା,ମହମ୍ମଦ ସାମି,କେଦାର ଯାଦବ,ବିଜୟ ଶଙ୍କର । ତେବେ ବାକି ଜଣେ ଖେଳାଳି ମଧ୍ୟରେ ଅଶ୍ୱିନ କିମ୍ବା ଜାଡେଜାଙ୍କୁ ସାମିଲ କରାଯିବ ବୋଲି ଚର୍ଚ୍ଚା ହେଉଛି ।
ବିଶ୍ୱକପର ଦାବିଦାର ୂଭାବରେ ଭାରତର ନାମ ଆଗରେ ରହିଛି । ଏଣୁ ପ୍ରଥମରୁ ଭାରତର ବହୁ ଅଭିଜ୍ଞ ଖେଳାଳିମାନେ ନିଜର ମନ ପସନ୍ଦର ୧୫ ଜଣିଆ ଦଳ ବାଛିଥିଲେ । ତେବେ ପ୍ରଥମରୁ ଚର୍ଚ୍ଚା ହେଉଥିଲା କି ଘରୋଇ କ୍ରିକେଟ ଲିଗ ଆଇପିଏଲ ଚାଲିଥିବାରୁ ଏହାକୁ ନଜର କରି ଖେଳାଳି ଚୟନ କରାଯିବ । କିନ୍ତୁ ନିୟମିତ ଦଳରେ ଖେଳୁଥିବା ଖେଳାଳିଙ୍କ ଉପରେ ପ୍ରଥମ ପ୍ରଭାବ ରହିଛି ।
