ନୂଆଦିଲ୍ଲୀ (ଏଟିଆର ବ୍ୟୁରୋ): ଟୋକିଓ ପାରାଲିମ୍ପିକରେ ଦମଦାର୍ ପ୍ରଦର୍ଶନ ଜାରି ରଖିଛନ୍ତି ଭାରତୀୟ ଖେଳାଳୀ । ଗୋଟେ ପରେ ଗୋଟେ ପଦକ ହାସଲ କରି ଚାଲିଛନ୍ତି ଖେଳାଳୀ । ଏହି କ୍ରମରେ ଭାରତ ଆଉ ଏକ ସ୍ୱର୍ଣ୍ଣ ପଦକ ହାତେଇଛି । ୧୯ ବର୍ଷୀୟ ସୁଟର ମନୀଷ ନରୱାଲ ସୁଟିଂରେ ସ୍ୱର୍ଣ୍ଣ ପଦକ ହାତେଇଛନ୍ତି ।
ପୁରୁଷ ମିକ୍ସଡ ୫୦ ମିଟର ପିସ୍ତଲ ଇଭେଣ୍ଟରେ ଭାରତ ପାଇଁ ସ୍ୱର୍ଣ୍ଣ ହାସଲ କରିଛନ୍ତି ମନୀଷ । ଫାଇନାଲ ରାଉଣ୍ଡରେ ୨୧୮.୨ ସ୍କୋର କରି ବିଜୟ ହୋଇଛନ୍ତି ମନୀଷ । ସେହିପରି ସମାନ ଇଭେଣ୍ଟରେ ସିଂଘରାଜ ଅଧାନା ରୌପ୍ୟ ପଦକ ହାସଲ କରିଛନ୍ତି ।
ସୂଚନାଯୋଗ୍ୟ, ପାରାଲିମ୍ପିକ୍ସରେ ଭାରତୀୟ ଖେଳାଳୀ ଦମଦାର୍ ପ୍ରଦର୍ଶନ କରି ପଦକ ହାସଲ କରିବା ସହ ପଦକ ସଂଖ୍ୟା ୧୫ କୁ ବୃଦ୍ଧି ପାଇଛି ।
