ନୂଆଦିଲ୍ଲୀ (ଏଟିଆର ବ୍ୟୁରୋ): ଭାରତୀୟ କ୍ରିକେଟ ଟିମ୍ ର କ୍ୟାପ୍ଟେନ ବିରାଟ କୋହଲି ମୌଦାନରେ ଜବରଦସ୍ତ ରେକର୍ଡ କରିଥାନ୍ତି । ମାତ୍ର ଏବେ ସେ ସୋସିଆଲ ମିଡିଆରେ ଇତିହାସ ସୃଷ୍ଟି କରିଛନ୍ତି । କୋହଲି ଭାରତର ପ୍ରଥମ ଏଭଳି ସେଲିବ୍ରିଟି ହୋଇଯାଇଛନ୍ତି, ଯାହାଙ୍କ ଇଂଷ୍ଟାଗ୍ରାମରେ ୫୦ ମିଲିଅନ ମାନେ ୫ କୋଟି ଫଲୋର୍ସ ହୋଇଯାଇଛି । ବିରାଟ କୋହଲି ଏପର୍ଯ୍ୟନ୍ତ ଇଂଷ୍ଟାଗ୍ରାମରେ ୯୩୦ ଟା ପୋଷ୍ଟ ସେୟାର କରିଛନ୍ତି ।
ବିରାଟ ସର୍ବଦା ସୋସିଆଲ ମିଡିଆରେ ସକ୍ରିୟ ରହିବା ସହ କିଛି ନା କିଛି ଫଟୋ ସେୟାର କରିଥାନ୍ତି । ବିରାଟଙ୍କ ପ୍ରତ୍ୟେକ ଫଟୋକୁ ତାଙ୍କ ପ୍ରଶଂସକ ଖୁବ୍ ପସନ୍ଦ କରିଥାନ୍ତି । ଏବେ ବିରାଟ କୋହଲି ସୋସିଆଲ ମିଡିଆରେ ଏଭଳି ସଫଳତା ହାସଲ କରିଛନ୍ତି ଯାହା ପୂର୍ବରୁ କେହି ବି ହାସଲ କରିନଥିଲେ ।
ସେହିଅନୁଯାୟୀ ଇଂଷ୍ଟାଗ୍ରାମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଲୋଅର୍ସ ସଂଖ୍ୟା ୩୪.୫ ମିଲିଅନ୍ । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଫଲୋଅର୍ସ ସଂଖ୍ୟା ୧୭.୫ ମିଲିଅନ୍ ଏବଂ ବିରାଟଙ୍କ ପତ୍ନୀ ତଥା ଅଭିନେତ୍ରୀ ଅନୁଷ୍କାଙ୍କ ଇଂଷ୍ଟାଗ୍ରାମ ଫଲୋଅର୍ସ ସଂଖ୍ୟା ୩୨.୬ ମିଲିଅନ୍ ରହିଛି ।
