ନିରାଶ କଲେ ଦୌଡରାଣୀ ଦୂତି ଚାନ୍ଦ

ନୂଆଦିଲ୍ଲୀ (ଏଟିଆର ବ୍ୟୁରୋ): ଟୋକିଓ ଅଲିମ୍ପିକ୍ସର ଶହେ ମିଟର ହିଟ୍ସ ରାଉଣ୍ଡରେ ନିରାଶ କରିଛନ୍ତି ଓଡିଶାର ଦୌଡରାଣୀ ଦୂତି ଚାନ୍ଦ । ୧୧.୫୪ ସେକେଣ୍ଡରେ ଶହେ ମିଟର ଅତିକ୍ରମ କରି ସପ୍ତମ ସ୍ଥାନରେ ରହିଛନ୍ତି ଦୂତି । ଏଇଠି ଶେଷ ହୋଇଛି ଦୂତିଙ୍କ ୧୦୦ ମିଟର ରେସର ଯାତ୍ରା । ଆଗକୁ ୨୦୦ ମିଟର ରେସ ପାଇଁ ଟ୍ରାକକୁ ଓହ୍ଲାଇବେ ଦୂତି । ଦ୍ୱିତୀୟ ଥର ଅଲିମ୍ପିକ୍ସରେ ଭାରତରୁ ପ୍ରତିନିଧିତ୍ୱ କରିଛନ୍ତି ଓଡ଼ିଶାର ଅଲିମ୍ପିଆନ୍ ଦୂତୀ ଚାନ୍ଦ ।

୧୦୦ ମିଟର ରେସରେ ପ୍ରଥମ ସ୍ଥାନରେ ରହିଛନ୍ତି ଜାମାଇକାର ଫ୍ରାସର ପ୍ରାଇସ, ଦ୍ୱିତୀୟରେ ସୁଇଜରଲାଣ୍ଡର ଡେଲ ପଣ୍ଟେ ଏବଂ ତୃତୀୟ ସ୍ଥାନରେ ନାଇଜେରିଆର ନୋକୋଚା ରହିଛନ୍ତି ।