ଅଳତା ଲିିଭିନି, ଲିଭିଗଲା ସିନ୍ଦୁର

ଭୁୁବନେଶ୍ୱର,(ଏଟିଆରବ୍ୟୁରୋ): ହାତରୁ ମେହେନ୍ଦି ଶୁଖିନି କି’ ଗୋଡରୁ ଛାଡିନି ଅଳତାର ରଙ୍ଗ । ହେଲେ ଲିଭିଗଲା ମଥାରୁ ସିନ୍ଦୁର । ଗିଫ୍ଟ ପ୍ୟାକେଟ ହିଁ ସବୁ କିଛି ଛାରଖାର କରିଦେଲା । କେହିି କିଛ ଭାବିବା ପୂର୍ବରୁ ମାଡି ବସିଲା ମୃତ୍ୟୁ । ବିଷ୍ଫାରଣରେ ବର ଓ ଏବଂ ଜେଜେ ମାଙ୍କ ମୃତ୍ୟୁ ହେଲା । କାନ୍ଥ ଫାଟିବା ଓ ମାର୍ବଲ ଛିନଛତର ହୋଇଯିବା ଦୃଶ୍ୟ ହିଁ ବୟାନ କରୁଛି ବିଷ୍ଫୋରଣ ଭୟାବହତା ।

ଶୁକ୍ରବାର ଏମିତି ଏକ ଦୁଃଖଦ ଘଟଣା ବଲାଙ୍ଗିରରେ ଘଟିଥିବା ବେଳେ ଏହି ଘଟଣାକୁ ନେଇ ଏବେ ପୂରା ଓଡିଶା ସ୍ତବ୍ଧ । ଯିଏ ଶୁଣୁଛି ତା’ ପାଟିରୁ ଆହା ପଦେ ବାହାରି ଆସୁଛି । ମୃତ୍ୟୁ ଏମିତି ବି ଆସେ ଭାବିଲେ ଛାତି ଥରି ଉଠୁଛି । କିଏ ସେହି ନୃସଂସ? କାହିଁକି ଭିଆଇଲା ଏପରି ଏକ ଜଘନ୍ୟ କାଣ୍ଡ? ବର୍ତମାନ ଏହି ପ୍ରଶ୍ନ ସମସ୍ତଙ୍କ ମନରେ? ପୁଲିସ ବି ଘଟଣାର ଖୋଳତାଡ କରୁଛି । ଏ ହେଉଛି ବଲାଙ୍ଗିର ଜିଲ୍ଲାରେ ଘଟିଥିବା ବିଷ୍ଫୋରକ ଘଟଣା । ୧୮ ତାରିଖରେ ବାହା ହୋଇଥିଲେ ରିନା । ବ୍ରହ୍ମପଡ଼ାର ସୌମ୍ୟଙ୍କ ସହ ବିବାହ କରିଥିବା ରିନାଙ୍କର ୨୦ତାରିଖରେ ରିସେପସନ ଥିଲା ।

ବାସ ଏହି ରିସେପସନରେ ମିଳିଥିଲା ଗିଫ୍ଟ ପ୍ୟାକେଟ । ଯାହା ତାଙ୍କ ଲାଗି କାଳ ହୋଇଛି । କେହି କିଛି ବୁଝିବା ପୂର୍ବରୁ ଲିଭିଯାଇଛି ୨ଟି ଜୀବନ । ଏବେ ମୃତ୍ୟୁସହ ଲଢ଼େଇ କରୁଛନ୍ତି ରିନା । ଅବସ୍ଥା ଗୁରୁତର ରହିଛି । ପୁଲିସ ରିପୋର୍ଟ ଅନୁସାରେ, ବାହାଘରେ ମିଳିଥିବା ଗିଫ୍ଟ ସବୁ ଖୋଲାଯାଉଥିଲା । ନବବିହାହିତା ଦମ୍ପତିଙ୍କ ସହ ବସି ଜେଜେମା ବେଶ ଖୁସିରେ ଗିଫ୍ଟ ଖୋଲିବାକୁ ବସିଗଲେ । ବାସ ପ୍ୟାକେଟ୍ ଖୋଲୁଖୋଲୁ ଘଟିଲା ଅଘଟଣ ।

ପ୍ରଚଣ୍ଡ ଶବ୍ଦରେ ଥରି ଉଠିଲା ପୂରା ଅଂଚଳ । ଆଖପାଖ ଲୋକଙ୍କ କାନ ବି ତାବଦା ହୋଇଗଲା । କାନ୍ଥ ଫାଟିଗଲା ଆଉ ରୋଷେଇ ଘର ମାର୍ବଲ ତ’ ଛିନଛତର ହୋଇଗଲା । ବାସ ଏହାପରେ ସବୁ କିଛି ଶେଷ । ରକ୍ତ ଜୁଡୁବୁଡୁ ହୋଇ ତଳେ ପଡିଥିଲା ମୃତଦେହ । ରିନାଙ୍କୁ ବାଦ ଦେଲେ ସ୍ୱାମୀ ସୌମ୍ୟ ଓ ତାଙ୍କ ଜେଜେ ମା’ ଘଟଣାସ୍ଥଳରେ ଆଖି ବୁଜିଲେ । ରିନା ଏବେ ମେଡିକାଲରେ ଶୁକୁଶୁକୁ ହେଉଛନ୍ତି ।
ଏଠି ପ୍ରଶ୍ନ ଏତେବଡ଼ ବିଷ୍ଫୋରକ ଗିଫ୍ଟ ପ୍ୟାକେଟରେ ଆସିଲା କେମିତି? କିଏ ରଚିଲା ଏପରି ତାଣ୍ଡବ? କ’ଣ ତାର ଉଦ୍ଦେଶ୍ୟ? ଏମିତି ଅସିମିତ ପ୍ରଶ୍ନର ଉତର ଖୋଜା ଚାଲିଛି ।