ମୁମ୍ବାଇ (ଏଟିଆର ବ୍ୟୁରୋ ) ; କ୍ରିଷ୍ଟାଲ ଟାୱାର ରେ ଲାଗିଲା ନିଆଁ । ଚାଲିଗଲା ୪ ଟି ଜୀବନ । ମୁମ୍ବାଇ ର ପରେଲ ଅଞ୍ଚଳରେ ଥିବା କ୍ରିଷ୍ଟାଲ ଟାୱାର ରେ ଆଜି ସକାଳେ ନିଆଁ ଲାଗିଥିବା ଜଣାପଡିଛି । କ୍ରିଷ୍ଟାଲ ଟାୱାର ର ୧୨ ତମ ମହଲାରେ ପ୍ରଥମେ ନିଆଁ ଲଗିଥିଲା । ସକାଳ ୮ .୩୦ ମିନିଟରେ କ୍ରିଷ୍ଟାଲ ଟାୱାର ରେ ନିଆଁ ଲଗିବା ପରେ ଅଗ୍ନିଶମ ବିଭାଗ କୁ ଖବର ଦିଆଯାଇଥିଲା । ତେବେ ପାଖାପଖି ୧ ଘଣ୍ଟା ପରିଶ୍ରମ ପରେ ନିଆଁକୁ ଆୟତ୍ତ କରିଥିଲେ ଅଗ୍ନିଶମ କର୍ମଚାରୀ । ଅଗ୍ନିକାଣ୍ଡ ଯୋଗୁ ଘଟଣା ସ୍ଥଳରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୧୬ ଜଣ ଗୁରୁତର ଆହତ ହୋଇଛନ୍ତି । କ୍ରିଷ୍ଟାଲ ଟାୱାରର ଉପର ମହଲାରେ ଲୋକେ ଫସି ରହିଥିବା ଖବର ପାଇ କ୍ରେନ ସାହାର୍ଯ୍ୟରେ ସେମାନଙ୍କୁ ଉଦ୍ଧାର କରିଥିଲେ ଅଗ୍ନିଶମ କର୍ମଚାରୀ । ସେପଟେ ନିଆଁ ଲଗିବାର କାରଣ ଜଣାପଡିନଥିବା ବେଳେ ପୋଲିସ ଘଟଣାର ତଦନ୍ତ କରୁଛି ।
