ଭୁବନେଶ୍ୱର (ଏଟିଆର ବ୍ୟୁରୋ ) ; ରାଜ୍ୟର ସ୍ୱାର୍ଥ ପାଇଁ ଖର୍ଚ୍ଚ ହେବ ଅତିରିକ୍ତ ୧୨ ହଜାର ୭୬୮ କୋଟି । ୨୦୧୮-୧୯ ଆର୍ଥିକ ବର୍ଷ ପାଇଁ ଅତିରିକ୍ତ ୧୨ ହଜାର ୭୬୮ କୋଟିର ବଜେଟକୁ ଆଜି ରାଜ୍ୟ ମନ୍ତ୍ରୀ ପରିଷଦ ବୈଠକରେ ଅନୁମୋଦନ ମିଳିଛି । ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ଅଧକ୍ଷତାରେ ବସିଥିଲା ମନ୍ତ୍ରୀ ପରିଷଦ ବୈଠକ । ଆସନ୍ତା ୪ ତାରିଖରେ ବିଧାନସଭାରେ ଏହି ଅତିରିକ୍ତ ବଜେଟ ଉପସ୍ଥାପନ କରାଯିବ । ଏନେଇ ଆଜି ସୂଚନା ଦେଇଛନ୍ତି ଅର୍ଥମନ୍ତ୍ରୀ ଶଶୀଭୂଷଣ ବେହେରା । ରାଜ୍ୟରେ ଏବେ ମଧ୍ୟ ବହୁ ଗୁରୁତ୍ୱପୁର୍ଣ୍ଣ କାମ ଅଧା ହୋଇ ପଡି ରହିଛି । ତେବେ ଏହି ଅତିରିକ୍ତ ବଜେଟ ମାଧ୍ୟମରେ ସେ ସମସ୍ତ କାମ କରାଯିବ ବୋଲି ଶଶିଭୂଷଣ ବେହେରା । ସେହିପରି ସ୍ୱାସ୍ଥ୍ୟ , ସାମାଜିକ , ଓ ଗରିବ ଙ୍କ ଆର୍ଥିକ ବିକାଶ ଲାଗି ଏହି ଅତିରିକ୍ତ ବଜେଟ ସୁହାଇବ ବୋଲି ସେ କହିଛନ୍ତି । ତେବେ ୨୦୧୮-୧୯ ସାଧାରଣ ବଜେଟରେ ସୋସିଆଲ ଡେଭଲପମେଣ୍ଟଉପରେ ଫୋକସ କରାଯାଇଥିଲେ ମଧ୍ୟ ସେସବୁ ମଧ୍ୟରୁ କିଛି କାମ ବାକି ରହିଯାଇଛି ସେସବୁକୁ ଏହି ଅତିରିକ୍ତ ବଜେଟ ମାଧ୍ୟମରେ କରାଯିବ ବୋଲି ଶ୍ରୀ ବେହେରା କହିଛନ୍ତି ।
