ବ୍ରହ୍ମପୁର (ଏଟିଆର ବ୍ୟୁରୋ): ଏକ ବଡ ଧରଣର ଟ୍ରେନ୍ ଦୁର୍ଘଟଣା ହେବାରୁ ରକ୍ଷା ମିଳିଯାଇଛି । ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛି ଭିଲପୁରମ୍-ଖଡଗପୁର ଏକ୍ସପ୍ରେସ । ଯାତ୍ରୀ ସମ୍ପୂର୍ଣ୍ଣ ସୁରକ୍ଷିତ ଅଛନ୍ତି ।
ଟ୍ରେନଟି ଟ୍ରାକ୍ ରେ ଯାଉଥିବା ସମୟରେ ହଠାତ୍ ତିନି ନମ୍ବର ଏସି କୋଚ୍ ର ବ୍ୟାଟେରିରୁ ଧୂଆଁ ବାହାରିଥିଲା । ବ୍ରହ୍ମପୁର ଷ୍ଟେସନ ପାଖା ପାଖି ଥିବାରୁ ଷ୍ଟେସନରେ ଟ୍ରେନଟି ପହଞ୍ଚିବା ପରେ ବ୍ୟାଟିରିରୁ ନିଆଁ ଲିଭାଯାଇଥିଲା । ଏହାପରେ ରେଳ କର୍ମଚାରୀ ସେହି ପୋଡା ବ୍ୟାଟେରିକୁ ବାହାର କରିଦେଇ ଅନ୍ୟ ଏକ ନୂଆ ବ୍ୟାଟେରି ଲଗାଇଥିଲେ । ସେଥିପାଇଁ କିଛି ସମୟ ଯାଏଁ ଟ୍ରେନ ଷ୍ଟେସନରେ ଅଟକି ରହିଥିଲା ।
