କଟକ (ଏଟିଆର ବ୍ୟୁରୋ ) ; ପୋଲ ଉପରେ ୪ ଫୁଟର ପାଣି । ଉତ୍ତର ବାଙ୍କୀ ବ୍ଲକର ସୁବର୍ଣ୍ଣପୁର – ରାତାଗଡ ରାସ୍ତାରେ ଥିବା ହୁଳୁହୁଳା ପୋଲ ଉପରେ ୪ ଫୁଟର ବନ୍ୟା ଜଳ ଛିଡା ହୋଇଛି । ଫଳରେ ସ୍ଥାନୀୟ ଗୋପାଳପୁର , ବନ୍ଦାଳ , ଲୋଚନପୁର , ରତାଗଡ ଗ୍ରାମକୁ ଯୋଗାଯୋଗ ବିଚ୍ଛିନ୍ନ ହୋଇଯାଇଛି । ମହାନଦୀରେ ବନ୍ୟା ପାଣି ଆସିବାରୁ ଜଳମଗ୍ନ ଅବସ୍ତାରେ ବହୁ ଗ୍ରାମ ରହିଛନ୍ତି । କଟକ ଜିଲ୍ଲା ଆଠଗଡର ଅନେକ ଗ୍ରାମରେ ବନ୍ୟାଜଳ ପଶିଯାଇଥିବାର ଜଣାପଡିଛି । ତଗିତିଆ ବ୍ଲକର ଗଦାଧରପୁର , ବାଉଁଶପୁଟ, ଖଣ୍ଡପଡା ଭଳି ଗ୍ରାମ ମାନଙ୍କରେ ପାଣି ପଶିଯିବାରୁ ସେ ସମସ୍ତ ଗ୍ରାମକୁ ଯୋଗାଯୋଗ ବିଚ୍ଛିନ୍ନ ହୋଇଯାଇଥିବା ଜଣା ପଡିଛି । ତେବେ ସେଠାରେ ସ୍ଥତି ବିଶେଷ ସଙ୍ଗିନ ହୋଇନଥିବା ବେଳେ ଛାଷ ଜମି ଉପରେ ଏହାର ପ୍ରଭାବ ପଡିଛି । ବନ୍ୟାଜଳ ଚାଷ ଜମିରେ ପ୍ରଭାହିତ ହେବାରୁ ବାଙ୍କି ଏବଂ ତିଗିରିଆ ବ୍ଲକର ଶହ ଶହ ଛାଷ ଜମି ଏବେ ନଷ୍ଟ ହେବା ଉପରେ ରହିଛି । ଏହାକୁ ନେଇ ଚାଷି ଏବେ ଚିନ୍ତାରେ ପଡିଛି ।
