ଭୁବନେଶ୍ୱର (ଏଟିଆର ବ୍ୟୁରୋ ) ; ସୁରକ୍ଷାକର୍ମୀଙ୍କ ଗୁଳିରେ ଟଳିପଡିଲେ ଦୁଇ ଆତଙ୍କବାଦୀ । ଜାମ୍ମୁ କାଶ୍ମିରର ବାନ୍ଦିପୋରା ଅଞ୍ଚଳରେ ହୋଇଥିବା ଏନକାଉଣ୍ଟରରେ ସୁରକ୍ଷାକର୍ମୀଙ୍କ ଗୁଳିରେ ଦୁଇଜଣ ଆତଙ୍କବାଦୀ ନିହତ ହୋଇଥିବା ଜଣାପଡିଛି । ଆଜି ସକାଳ ସମୟରେ ହାଜିନର ପ୍ୟାରୀ ମୋହଲାରେ ସେନାର ପେଟ୍ରୋଲିଂ ଗାଡି ଯାଉଥିବା ସମୟରେ କେତେଜଣ ଆତଙ୍କବାଦୀ ସେନା ଉପରକୁ ଗୁଳି ମାଡ କରିଥିଲେ । ତେବେ ସୁରକ୍ଷାକର୍ମୀ ମାନେ ମଧ୍ୟ ପାଲଟା ଆକ୍ରମଣରେ ସେମାନଙ୍କ ଉପରକୁ ଗୁଳି ବର୍ଷାଇଥିଲେ । ସୁରକ୍ଷାକର୍ମୀଙ୍କ ଗୁଳିରେ ୨ ଜଣ ଆତଙ୍କବାଦୀ ମୃତ୍ୟୁ ହୋଇଥିବା ବେଳେ ସେମାନଙ୍କ ମୃତଦେହକୁ ମଧ୍ୟ ସେନା ଜବତ କରିଛି ।
ସେପଟେ ସ୍ଥାନୀୟ ଅଞ୍ଚଳରେ ଆହୁରୀ ଅନେକ ଆତଙ୍କବାଦୀ ଲୁଚି ରହିଥିବା ସେନାକୁ ଜଣାପଡିଛି । ଏବେ ବି ସେଠାରେ ଗୁଳି ବିନିମୟ ଚାଲୁ ରହିଥିବା ଜାମ୍ମୁ କାଶ୍ମିର ପୋଲିସ ସୂଚନା ଦେଇଛି । ସେପଟେ ମୃତ ଆତଙ୍କବାଦୀଙ୍କ ଠାରୁ ଏକେ – ୪୭ ସହ ବହୁ ବିସ୍ଫୋରକ ସାମଗ୍ରୀ ସେନା ଜବତ କରିଛି ।
