ଭୁବନେଶ୍ୱର (ଏଟିଆର ବ୍ୟୁରୋ ) ; ବିମାନବନ୍ଦରରେ ଚୋରାଚାଲାଣ ହେଉଛି ସୁନା । ଭୁବନେଶ୍ୱର ବିମାନବନ୍ଦରରେ ପୁଣି ଜବତ ହେଲା ସୁନା । ଆଜି ପୁଣି ଭୁବନେଶ୍ୱରର ବିଜୁପଟ୍ଟନାୟକ ଆର୍ନ୍ତଜାତୀୟ ବିମାନବନ୍ଦରରୁ ୩୪୦ ଗ୍ରାମର ସୁନା ଜବତ କରିଛି କଷ୍ଟମ ବିଭାଗ । ଜବତ ହୋଇଥିବା ସୁନାର ମୁଲ୍ୟ ପାଖାପାଖି ୧୦ ଲକ୍ଷ ୫୬ ହଜାର ଟଙ୍କା ହେବ ବୋଲି ଜଣାପଡିଛି । କ୍ୱାଲାଲମପୁରରୁ ଏୟାର ଏସିଆ ବିମାନ ଯୋଗେ ଏହି ସୁନାକୁ ଆଣାଯାଇଥିବା ସୁଚନା ପାଇ କଷ୍ଟମ ବିଭାଗ ଚଢାଉ କରିଥିଲା । ତେବେ ଜଣେ ଯାତ୍ରୀଙ୍କ ଠାରୁ ଏହି ୩୪୦ ଗ୍ରାମର ସୁନାକୁ କଷ୍ଟମ ବିଭାଗ ଜବତ କରିଥିବାର ସୁଚନା ମିଳିଛି । ସେପଟେ କଷ୍ଟମ ବିଭାଗ ଜଣକୁ ଅଟକ ରଖି ସୁନା ଚୋରାଚାଲାଣ ସମ୍ବନ୍ଧରେ ପଚରାଉଚରା କରୁଥିବା ଜଣାପଡିଛି । ତେବେ ବାରମ୍ବାର ଭୁବନେଶ୍ୱର ବିମାନବନ୍ଦରରୁ ସୁନା ଜବତ ହେଉଥିବା ବେଳେ କଷ୍ଟମ ବିଭାଗ ଓ ଏୟାର ପୋର୍ଟ କର୍ତ୍ତୁପକ୍ଷଙ୍କ ପାଇଁ ଏହା ଚିନ୍ତାର କାରଣ ପାଲଟିଛି ।
