ଭୁବନେଶ୍ୱର,୩ା୨/ଏଟିଆର୍ବ୍ୟୁରୋ: ଜାତୀୟ ହସ୍ତତନ୍ତ ମେଳାରେ ଶନିବାର ଏକ ରାମ୍ପ ସୋ’ ଅନୁଷ୍ଠିତ ହୋଇଯାଇଛି । ବୟନିକା ଏବଂ ଭାରତ ସରକାରଙ୍କ ବସ୍ତ୍ର ନମୁନା ବିକାଶ ସଂସ୍ଥା ବା ଏଟିଡିସି ଆନୁକୂଲ୍ୟରେ ଏହି ସୋ’ ଅନୁଷ୍ଠିତ ହୋଇଥିଲା । ଏଥିରେ ବମ୍ବେ ଏବଂ କୋଲକତାର ମଡେଲ ମାନେ ଓଡିଶାର ହସ୍ତତନ୍ତ ପିନ୍ଧି ରାମ୍ପରେ ସାମିଲ ହୋଇଥିଲେ । ଓଡିଶାର ହସ୍ତତନ୍ତରେ ପାରମ୍ପରିକ ସହ ଆଧୁନିକତାର ସମିଶ୍ରଣ କରି ତାକୁ ଅଧିକ ଲୋକପ୍ରୀୟ ହାସଲ କରିବା ଥିଲା ଏହି ସୋ’ର ମୂଳଲକ୍ଷ୍ୟ । ପ୍ରଥମ ରାଉଣ୍ଡରେ ଜାତୀୟ ପୁରସ୍କାର ପ୍ରାପ୍ତ ଓଡିଶାର ବୁଣାକାର ପ୍ରହ୍ଲାଦ ମେହେରଙ୍କ ଡିଜାଇନ୍କୁ ନେଇ ପ୍ରସ୍ତୁତ ‘ଇକତ୍’ ଶାଢ଼ୀ ପିନ୍ଧି ମଡେଲ ମାନେ ସୋ’ କରିଥିଲେ । ପରେ ପରେ ବମକାଇ ଶାଢ଼ୀ ଏବଂ ଟସର ତଥା ଏରି ଶାଢ଼ୀକୁ ପିନ୍ଧି ମଡେଲମାନେ ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲେ । ଏଟିଡିସି ତରଫରୁ ହସ୍ତତନ୍ତରେ ପ୍ରସ୍ତୁତ କରାଯାଇଥିବା ଆଧୁନିକ ଡିଜାଇନ୍ ବସ୍ତ୍ର ୩ଟି ରାଉଣ୍ଡରେ ପ୍ରଦର୍ଶିତ ହୋଇଥିଲା । ହସ୍ତତନ୍ତ ମେଳାରେ ବ୍ୟବସାୟ ଯଥେଷ୍ଟ ବୃଦ୍ଧି ପାଇ ୨ତାରିଖ ସୁଦ୍ଧା ସାଢ଼େ ୬କୋଟି ଟଙ୍କାର ବ୍ୟବସାୟ ହୋଇଥିବା ବେଳେ କେବଳ ବୟନିକାର ବ୍ୟବସାୟ ୧କୋଟି ଟପିଥିବା ଜଣାପଡିଛି ।
????????????????????????????????????
