ଅନୁଗୁଳ,(ଏଟିଆର ବ୍ୟୁରୋ): ଗାଧୋଇବାକୁ ଯାଇଥିବା ବେଳେ ଜଣେ ମହିଳାଙ୍କୁ ବାଘୁଣୀ ଟାଣିନେବା ଘଟଣା ଏବେ ପୂରା ରାଜ୍ୟରେ ଚାଞ୍ଚଲ୍ୟ ଖେଳାଇ ଦେଇଛି । ଏଭଳି ଘଟଣା ଘଟିଛି ଅନୁଗୁଳ ଅଞ୍ଚଳରେ । ମୃତ ମହିଳାଙ୍କ ନାଁ କୈଳାଶ ସାୟା, ଘର ଟିକରପଡ଼ା ରେଞ୍ଜ ହାତୀବାରି ।
ଏହି ଘଟଣାକୁ କେନ୍ଦ୍ରକରି ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି । ଲୋକେ କ୍ଷତିପୁରଣ ଦାବିରେ ରାଜରାସ୍ତାକୁ ଓହ୍ଳାଇଛନ୍ତି । ମିଳିଥିବା ରିପୋର୍ଟ ଅନୁସାରେ,କୈଳାଶ ଗାଁ ପାଖରେ ଥିବା ନାଳକୁ ଗାଧୋଇବାକୁ ଯାଇଥିଲେ । ଠିକ ସେହି ସମୟରେ ଏକ ବାଘୁଣୀ ତାଙ୍କୁ ଟାଣି ନେଇଥିବା କୁହଯାଉଛି । ସେପଟେ କୈଳାଶ ଘରକୁ ଫେରିବା ବିଳମ୍ବ ହେବାରୁ ପରିବାର ଲୋକେ ତାଙ୍କୁ ଖୋଜାଖୋଜି କରିଥିଲେ । ହେଲେ ତାଙ୍କର କୌଣସି ପତ୍ତା ମିଳିନଥିଲା । ତେବେ ଏହାପରେ ତାଙ୍କ କ୍ଷତାକ୍ତ ମୃତଦେହ ସ୍ଥାନୀୟ ଜଙ୍ଗଲରୁ ମିଳିଥିଲା ।
ଘଟଣା ସାମ୍ନାକୁ ଆସିବା ପରେ ପୁରୁଣାକୋଟ ଓ ଟିକରପଡା ରେଞ୍ଜ ଅଫିସ ସାମ୍ନାରେ ଲୋକ ରୁଣ୍ଡ ହୋଇ ହୋହାଲ୍ଲା କରିଥିଲେ । ବାଘଠୁ ସୁରକ୍ଷା ଓ କ୍ଷତିପୂରଣ ଦାବି କରିଛନ୍ତି ଲୋକେ । ସେପଟେ ଏନେଇ ବନବିଭାଗ ପକ୍ଷରୁ କୌଣସି ସୂଚନା ମିଳିପାରିନାହିଁ ।
