ଦିଲ୍ଳୀ (ଏଟିଆର ବ୍ୟୁରୋ) ; କନ୍ଧମାଳ ସାଂସଦ ପ୍ରତ୍ୟୁଷା ରାଜେଶ୍ୱରୀ ସିଂ ଦିଲ୍ଳୀ ଏମ୍ସରେ ଜଗା ବଳିଆଙ୍କୁ ଭେଟିବା ସହ ଉଭୟ ସମ୍ପୂର୍ଣ୍ଣ ସୁସ୍ଥ ହେବା ଯାଏ ଦିଲ୍ଳୀ ଏମ୍ସରେ ଚିକିତ୍ସା କରିବା ପାଇଁ ରାଜ୍ୟ ସରକାରଙ୍କ ନିକଟରେ ଅନୁରୋଧ କରିଛନ୍ତି । ଏବଂ ଜଗା ବଳିଆଙ୍କ ଚିକିତ୍ସା କରୁଥିବା ଡାକ୍ତରଙ୍କ ପାଖରୁ ଜଗା ବଳିଆଙ୍କ ସ୍ୱାସ୍ଥ୍ୟ କିପରି ଅଛି ପଚାରି ବୁଝିଥିଲେ ସାଂସଦ ।
ସାଙ୍ଗରେ ନେଇଥିଲେ ଫଳ । ଯାହାକୁ ଦେଖି ଖୁସି ହୋଇଯାଇଥିଲେ ଦୁଇ ଭାଇ । ସେମାନଙ୍କ ସହ କିଛି ସମୟ ବିତେଇବା ସହ ଡାକ୍ତରଙ୍କ ପାଖରୁ ଜଗା ବଳିଆଙ୍କ ସମନ୍ଧରେ ସମସ୍ତ ତଥ୍ୟ ପଚାରି ବୁଝିଥିଲେ । ଡାକ୍ତଙ୍କ ସୂଚନା ଅନୁସାରେ ବଳିଆକୁ ଜ୍ୱର ଥିଲା ମାତ୍ର ଏବେ ୩-୪ ଦିନ ହେବ ଭଲ ଅଛି । ମାତ୍ର ବର୍ତ୍ତମାନ ସୁଦ୍ଧା ଜଗାର ସ୍ୱାସ୍ଥ୍ୟରେ କୈାଣସି ପରିବର୍ତ୍ତନ ଆସିନଥିବା ଡାକ୍ତର ମତ ଦେଇଛଦନ୍ତି । ଏଣୁ ରାଜ୍ୟର ଶାସକ ଦଳରେ ଥିବା ସାଂସଦ ହୋଇଥିବାରୁ ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି କି ଉଭୟ ସମ୍ପୂର୍ଣ୍ଣ ସୁସ୍ଥ ହେବା ଯାଏ ଏମ୍ସରେ ଚିକିତ୍ସା କରାଯିବ ବୋଲି ପ୍ରତିଶ୍ରୂତି ଦେଇଛନ୍ତି ।
