ଭୁବନେଶ୍ୱର (ଏଟିଆର ବ୍ୟୁରୋ) ; ପାଖେଇ ଆସୁଛି ବକ୍ସିସ୍ ପାଇବାର ସମୟ । ବର୍ଷସାରା ମାଲିକ ପାଇଁ କରିଥିବା ପରିଶ୍ରମରୁ ମିଳିଥାଏ ଶାନ୍ତି । କାରଣ ହାତରେ ମୁଠାରେ ଥାଏ ଦରମା ଠାରୁ ଅଧିକ ଟଙ୍କା । ସେହିପରି ପୋଲିସ ମଧ୍ୟ ଅନେଇ ବସିଛି ଲୋକଙ୍କ ଠାରୁ କିପରି ଆଦାୟ କରିବ ଦୁଇଗୁଣା ଜୋରିମାନା ।
ଆଜି ସକାଳେ ରାଜଧାନୀର ସବୁ ଛକରେ ଦେଖିବାକୁ ମିଳିଥିଲା ଟ୍ରାଫିକ ପୋଲିସର ଚେକିଂ । ଆଗରୁ କାଁ ଭାଁ ଚେକିଂ ହେଉଥିବା ବେଳେ ଦଶହରା ପାଖେଇ ଆସୁଥିବାରୁ ଚେକିଂ କରିବାର ନିଶା ଜୋର ଧରିଛି ।
ସ୍ଥାନୀୟ ନାଲକୋ ଛକ, ଚନ୍ଦ୍ର ଶେଖରପୁର ପେଟ୍ରୋଲ ପମ୍ପ ସାମ୍ନା,ଜୟଦେବ ବିହାର ଏବଂ ରସୁଲଗଡ ଓଭରଟ୍ରାଫିକ ପୋଷ୍ଠ ଆଦି ଜାଗାରେ ଦେଖିବାକୁ ମିଳିଥିଲା ଚେକିଂ କରିବାର ଦୃଶ୍ୟ । ମାତ୍ର ଜୟଦେବ ବିହାର ବସ୍ ଷ୍ଟପରୁ ଆରମ୍ଭ ରସୁଲଗଡ ଯିବା ବ୍ରିଜ୍ ଉପରେ ଦେଖିବାକୁ ମିଳିଥିଲା ତିନୋଟି ଜାଗାରେ ଚେକିଂ କରିବାର ଦୃଶ୍ୟ । ଯାହାକି ଜଣେ ସାଧାରଣ ଲୋକର ମନରେ ପୋଲିସ ପ୍ରତି ଥିବା ସନ୍ଦେହକୁ ବଢ଼େଇ ଦେଉଛି । କାରଣ ପୂର୍ବରୁ ଏତେ ଚେକିଂ ହେଉନଥିବା ବେଳେ ଦଶହରା ପାଖେବାରୁ କଣ ମନେ ପଡିଗଲା କି ? ଏଭଳି ଅନେକ ପ୍ରଶ୍ନ ଆସିଥାଏ ଜଣେ ସାଧାରଣ ଲୋକର । ସାଧାରଣ ଲୋକଙ୍କ କହିବା କଥା ଏଇଆ କି ପୋଲିସ ଏତେ ଚେକିଂ କରି ଜୋରିମାନା କରିବାକୁ ଚାହୁଁଛି ନାଁ ଦଶହରାକୁ ଆଖିରେ ରଖି ବକ୍ସିସ ଆଦାୟ କରୁଛି ପୋଲିସ୍ ?
ଦଶହରା ପାଖେଇ ଆସୁଥିବାରୁ ସୁରକ୍ଷାକୁ ଆଖିରେ ରଖି ଚେକିଂ କରିବା ଏକ ସ୍ୱାଗତଯୋଗ୍ୟ ପଦକ୍ଷେପ ମାତ୍ର ଟ୍ରାଫିକ ପୋଷ୍ଟପାଖରେ ଜୋରଦାର ଚେକିଂ ହେବା ଫଳରେ ରାସ୍ତାର ଉଭୟ ପାଶ୍ୱର୍ରେ ଗାଡି ମଟର ବହୁ ପରିମାଣରେ ଜମି ରହିବା ଫଳରେ ସାଧାରଣ ଲୋକ ଯିବା ଆସିବା ସମୟରେ ଅନେକ ଅସୁବିଧାରେ ସମ୍ମୁଖୀନ ହେଉଥିବାର ଅଭିଯୋଗ ଆସିଛି ।
ଋିପୋର୍ଟ: ଗୁଣନିଧି ବେହେରା
