ଭୁବନେଶ୍ୱର (ଏଟିଆର ବ୍ୟୁରୋ): ଶରୀରର ସବୁଠାରୁ ମହତ୍ୱପୂର୍ଣ୍ଣ ଅଂଶ ହେଉଛି ଆଖି । ଏହାର ଧ୍ୟାନ ରଖିବା ନିହାତି ଜରୁରୀ । କାରଣ କୌଣସି ଖରାପ ଅଭ୍ୟାସ ଆଖି ଉପରେ ପ୍ରଭାବ ପକାଇଥାଏ । ଆଜିକାଲିର ପ୍ରତ୍ୟେକ ବ୍ୟକ୍ତିଙ୍କର କାମ କମ୍ପ୍ୟୁଟର କିମ୍ବା ମୋବାଇଲେ ବଢିଯାଇଛି । ଏହାଦ୍ୱାରା ଅନେକ ଲୋକଙ୍କର ଆଖି ସମସ୍ୟା ଦେଖିବାକୁ ମିଳୁଛି । ଯଦି ଆପଣ ଏହି ସମସ୍ୟାଠାରୁ ଦୂରେଇ ରହିବାକୁ ଚାହୁଁଛନ୍ତି ତେବେ କିଛି ଜିନିଷ ଉପରେ ବିଶେଷ ଧ୍ୟାନ ଦେବା ଉଚିତ୍ । ସେଥିମଧ୍ୟରୁ ଏକ ମହତ୍ୱପୂର୍ଣ୍ଣ ଜିନିଷ ହେଉଛି ଖାଦ୍ୟ । ଯଦି ଆପଣ ପୃଷ୍ଟିସାର ଯୁକ୍ତ ଖାଦ୍ୟ ଖାଉଛନ୍ତି ତେବେ ଏହା ଆପଣଙ୍କ ଆଖିକୁ ଅନେକ ଲାଭଦାୟକ ।
ଆଖି ସମସ୍ୟା ଦୂର କରିବାକୁ ହେଲେ ସକାଳୁ ଖାଲି ପେଟରେ କମଳା ଖାଆନ୍ତୁ । କମଳାରେ ଦୃଷ୍ଟିଶକ୍ତି ବଢାଇବାର ଗୁଣ ରହିଛି । ଯଦି ଆପଣ ନିୟମିତ ଏକ ମାସ ପର୍ଯ୍ୟନ୍ତ ଖାଲି ପେଟରେ କମଳା ଖାଇବେ ଦୃଷ୍ଟିଶକ୍ତି ତୀକ୍ଷ୍ଣ ହେବ । ଏହାସହିତ ଟମାଟ ସେବନ ବି ଆଖି ପାଇଁ ଲାଭଦାୟକ ହୋଇଥାଏ ।
ଆଖି ପାଇଁ ଖୁବ୍ ଉପଯୋଗୀ ହେଉଛି ସବୁଜ ପନିପରିବା । ଏହା ଆପଣଙ୍କ ଦୃଷ୍ଟି ଶକ୍ତି ବୃଦ୍ଧି କରାଇବାରେ ସହାୟକ ହୋଇଥାଏ ।
