ମସ୍କାଟ (ଏଟିଆର ବ୍ୟୁରୋ ) ; କୋରିଆକୁ ୪-୧ ଗୋଲରେ ପରାସ୍ତ କଲା ଭାରତ । ଏସିଆନ ଚାମ୍ପିୟନସିପରେ ଭାରତ ଦେଖାଇଲା ନିଜର ପରାକାଷ୍ଠା । ପୂର୍ବରୁ ଭାରତ ମାଲେସିଆ ବିପକ୍ଷ ମ୍ୟାଚ ହାରିଥିଲେ ବି ନିଜର ବିଜୟ ଅଭିଯାନ ଜାରିରଖିଛି । ତେବେ ଖୁସିର କଥା ଭାରତ ପୂର୍ବରୁ ଏସିଆନ ଚାମ୍ପିୟନସିପର ସେମିଫାଇନାଲରେ ପହଞ୍ଚିସାରିଥିବା ବେଳେ କୋରିଆ ବିପକ୍ଷ ବିଜୟ ଭାରତୀୟ ଦଳକୁ ଶକ୍ତି ପ୍ରଦାନ କରିଛି ।
ଗତକାଲି ଖେଳାଯାଇଥିବା ମ୍ୟାଚରେ ୪-୧ ଗୋଲରେ ଭାରତଠାରୁ କୋରିଆ ପରାସ୍ତ ହୋଇଛି । ଭାରତ ପାଇଁ ଏହି ମ୍ୟାଚରେ ହରମନପ୍ରୀତ ସିଂହ ହିରୋ ସାଜି ଏକାକୀ ୩ ଟି ଗୋଲ ସ୍କୋର କରିଛନ୍ତି । ମ୍ୟାଚ ଆରମ୍ଭର ୪ର୍ଥ ମିନିଟରେ ହରମନପ୍ରୀତ ଗୋଲ ଦେଇଥିବା ବେଳେ ମ୍ୟାଚର ୪୭ତମ ଓ ୫୯ତମ ମିନିଟରେ ଆଉ ଦୁଇଟି ଗୋଲ କରିଥିଲେ ହରମନପ୍ରୀତ ।
ସେହିପରି ଅନ୍ୟଭାରତୀୟ ଖେଳାଳୀ ଭାବେ ଗୁରଜନ୍ତ ସିଂହ ୧୦ ତମ ମିନିଟରେ ଗୋଲ ସ୍କୋର କରିଥିଲେ । ଅନ୍ୟପଟେ କୋରିଆ ପକ୍ଷରୁ ଏକମାତ୍ର ଗୋଲ ସ୍କୋର କରାଯାଇପାରିଛି । ମ୍ୟାଚରେ ଭଲ ପ୍ରଦର୍ଶନ କରିଥିବାରୁ ହରମନପ୍ରୀତଙ୍କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ଦିଆଯାଇଛି । ଭାରତ ୫ ମ୍ୟାଚରୁ ଖେଳି ୪ ଟି ଜିତି ଗ୍ରୁପର ଶୀର୍ଷରେ ରହିଛି ।
