ଗଞ୍ଜାମ (ଏଟିଆର ବ୍ୟୁରୋ) ; ଗଞ୍ଜାମ ଜିଲ୍ଳା ସୋରଡାରେ ଅଞ୍ଚଳର ଖଦାଳ ସାହିରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ନିଆଁ ଲାଗି ପୋଡିଗଲା ୨୭ ବଖରା ଘର । ଏହି ଅଗ୍ନିକାଣ୍ଡରେ ପାଉଁଶ ହୋଇଗଲା ଧାନ,ଚାଉଳ,ଆସବାବ ପତ୍ର ଭଳି ଅନେକ ସମ୍ପତି । ଖଦାଳ ସାହିର ୯ଟି ପରିବାରରଙ୍କ ଘରେ ଲାଗିଥିଲା ନିଆଁ । ସାହିର ଜଣେ ଲୋକର ଘରୁ ନିଆଁ ବାହାରି ସାହିର ଜଳି ଯାଇଥିଲା । ତେବେ ଘରୁ ନିଆଁ କିପରି ବାହାରିଲାଏବେ ସୁଦ୍ଧା ଏହାର କାରଣ ଅସ୍ପଷ୍ଟ ।
ଆଜି ଭୋର ୪ଟା ସମୟରେ ଘଟିଥିଲା ଏହି ଅଘଟଣ । ଗାଁ ଲୋକ କୂଅ ପୋଖରୀରୁ ପାଣି ଆଣି ନିଆଁକୁ ଲିଭାଇବା ପାଇଁ ବହୁତ ଚେଷ୍ଟା କରିଥିଲେ । ଗାଁର ଘର ଗୁଡିକ ଲାଗି ଲାଗି ଥିବାରୁ ନିଆଁ ପ୍ରବଳ ମାତ୍ରାରେ ମାଡି ଯାଇଥିଲା । ସ୍ଥାନୀୟ ଲୋକ ଦମକଳ ବାହୀନିକୁ ଖବର ଦେବା ପରେ ଭଞ୍ଜନଗର ଦମକଳ ବାହୀନି ଆସି ନିଆଁକୁ ଆୟତ କରିଥିଲା ।
