ବଲାଙ୍ଗିର (ଏଟିଆର ବ୍ୟୁରୋ) ; ସ୍ଥାନୀୟ ଟିଟଲାଗଡ ଭାଏପାଲି ଛକ ନିକଟରେ ଗତ କାଲି ରାତିରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ରାସ୍ତା କଡରେ ଅଧା ଲଙ୍ଗଳା ଅବସ୍ଥାରେ ପଡିଥିବା ଜଣେ ଯୁବକର ମୃତ ଦେହ ଉଦ୍ଧାର ହୋଇଛି । ତେବେ ମୃତ ଯୁବକର ପରିଚୟ ମିଳିପାରି ନାହିଁ । ଏହି ଖବର ପ୍ରସାରିତ ହେବା ପରେ ସ୍ଥାନୀୟ ଅଞ୍ଚଳରେ କୋଳାହଳ ସୃଷ୍ଟି ହୋଇଥିଲା । ପରେ ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଁଞ୍ଚି ତଦନ୍ତ ଜାରୀ କରିଛି ।
ଅଜଣା ଯୁବକର ମୃତ ଦେହ ରାସ୍ତା କଡରୁ ମିଳିଥିବାରୁ କେହି ହତ୍ୟା କରି ଥିବ ବୋଲି ପୋଲିସ ପ୍ରାଥମିକ ତଦନ୍ତରୁ ଅନୁମାନ କରୁଛି । କାରଣ ଯେଉଁ ସ୍ଥାନରୁ ଯୁବକର ମୃତ ଦେହ ଉଦ୍ଧାର ହେଲା ତା ପାଖରେ ଥିବା ରାସ୍ତା କଡରେ କିଛି ପୋଡା ଜଳା ହୋଇଥିଲା । ଏଣୁ କେହି ଯୁବକକୁ ହତ୍ୟା କରି ଆତ୍ମହତ୍ୟାର ରୂପ ଦେବା ପାଇଁ ରାସ୍ତା କଡରେ ପକେଇ ଦେଇ ଚାଲିଯାଇଛି । ମୃତ ଦେହ ରାସ୍ତା କଡରୁ ଉଦ୍ଧାର ହୋଇଥିବାରୁ କାଳେ ବିଳମ୍ବିତ ରାତିରେ କୋ÷ଣସି ଗାଡି ମାଡ କରିଦେଇଥାଇ ପାରେ ବୋଲି କେତେକ ସ୍ଥାନୀୟ ଲୋକ ସନ୍ଦେହ କରୁଛନ୍ତି । ଏଣୁ ଏହି ଘଟଣାଟି ରହସ୍ୟ ଘେରକୁ ଟାଣି ନେଉଛି । ତେବେ ନଜର ରହିଛି ପୋଲିସର ତଦନ୍ତ ଉପରେ । ତଦନ୍ତ ପରେ ଘଟଣାର ସତ୍ୟାସତ୍ୟ ପଦାକୁ ଆସିବ ବୋଲି ପୋଲିସ ସୂତ୍ରରୁ ପ୍ରକାଶ କରାଯାଇଛି ।
