ଭୁବନେଶ୍ୱର (ଏଟିଆର ବ୍ୟୁରୋ): ବଲିଉଡର କିଙ୍ଗ୍ ଖାନ୍ ମାନେ ଅଭିନେତା ଶାହରୁଖ ଖାନ୍ ଆଜି ତାଙ୍କର ୫୩ତମ ଜନ୍ମଦିବସ ପାଳନ କରୁଛନ୍ତି । ଶାହରୁଖଙ୍କୁ କେବଳ ନାମକୁ ମାତ୍ର କିଙ୍ଗ୍ ଖାନ୍ ବୋଲି କୁହାଯାଏ ନାହିଁ । ବରଂ ସେ ଇଣ୍ଡଷ୍ଟ୍ରିରେ ରହି ଇଜ୍ଜତ ଓ ଧନ ଦୌଲତ ଠାରୁ ଅଧିକ ଫ୍ୟାନ୍ସମାନଙ୍କ ଭଲ ପାଇବା କମାଇ ଥିବାରୁ ତାଙ୍କୁ କିଙ୍ଗ୍ ଖାନ୍ ବୋଲି କୁହା ଯାଇଥାଏ । ଫ୍ୟାନ୍ସମାନଙ୍କର ଶାହରୁଖଙ୍କ ପ୍ରତି ଥିବା ଭଲ ପାଇବା ତାଙ୍କ ଜନ୍ମଦିନ ଅବସରରେ ଦେଖିବାକୁ ମିଳିଥାଏ ।
ଚଳିତ ବର୍ଷ କିଛି ନିଆରା ଅନ୍ଦାଜରେ ଫ୍ୟାନ୍ସଙ୍କ ଭଲ ପାଇବା ଦେଖିବାକୁ ମିଳିଛି । ଆଜ୍ଞା ହଁ ଠିକ୍ ରାତି ୧୨ଟାରେ ଶାହରୁଖଙ୍କ ଘର ବାହାରେ ଫ୍ୟାନ୍ସମାନେ ବିଭିନ୍ନ ଢଙ୍ଗରେ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଥିଲେ । ଅନ୍ୟପଟେ ଶାହରୁଖ ତାଙ୍କ ଇଂଷ୍ଟାଗ୍ରାମରେ ପତ୍ନୀ ଗୌରୀଙ୍କ ସହ ଏକ ଫଟୋ ସେୟାର କରି ଜନ୍ମଦିନ ସେଲିବ୍ରେସନ୍ ଆରମ୍ଭ କରିଦେଇଛନ୍ତି । ଯେଉଁଥିରେ ସେ ତାଙ୍କ ଅର୍ଦ୍ଧାଙ୍ଗିନିଙ୍କୁ କେକ୍ ଖୁଆଉଥିବା ସହ କ୍ୟାପସନ୍ ରେ ଲେଖିଛନ୍ତି, ୱାଇଫ୍କୁ କେକ୍ ଖୁଆଇଲି…ଘର ବାହାରେ ଫ୍ୟାନ୍ସଙ୍କ ସହ ଦେଖା ହେଲି..ଏବେ ଲିଟିଲ୍ ଗ୍ୟାଙ୍ଗଙ୍କ ସହ ମୋନୋ ଡିଲ ଖେଳୁଛି! ଖୁସିର ସହ ଜନ୍ମଦିନ ପାଳନ କରୁଛି । ଆପଣ ସମସ୍ତଙ୍କର ଭଲ ପାଇବା ପାଇଁ ଧନ୍ୟବାଦ ।
