ଲାଞ୍ଜିଗଡ (ଏଟିଆର ବ୍ୟୁରୋ): ଭାଇ ପାଇଁ ଭାଇ ହେଲା କାଳ । ସମ୍ପର୍କରେ ଲାଗିଲା ରକ୍ତର ଦାଗ । ସାମାନ୍ୟ କଳହକୁ ନେଇ ଟାଙ୍ଗିଆରେ ସାନ ଭାଇକୁ ହାଣିଲା ବଡ ଭାଇ । ଏଭଳି ଏକ ଅଭାବନୀୟ ଦୃଶ୍ୟ କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ୍ ବିଶ୍ୱନାଥପୁର ଗାଁରେ ଦେଖିବାକୁ ମିଳିଛି । ଘଟଣାରେ ସାନ ଭାଇର ମୃତ୍ୟୁ ହୋଇଛି । ମୃତକଙ୍କ ନାମ ନାଥ ମାଝୀ ବୋଲି ଜାଣିବାକୁ ମିଳିଛି ।
ଖବରମୁତାବକ, ବିଶ୍ୱନାଥପୁର ଗାଁର ରେ ରହୁଥିବା ଏକ ପରିବାରର ଦୁଇଭାଇଙ୍କ ମଧ୍ୟରେ ବଚସା ହୋଇଥିଲା । ତାହା ପୁଣି ନିଜ ଭଉଣୀର ବାହାଘର ଖର୍ଚ୍ଚକୁ ନେଇ । କେଇଟା ଟଙ୍କା ପାଇଁ ରାକ୍ଷସ ପାଲଟିଲା ବଡ ଭାଇ । ଉତ୍ତ୍ୟକ୍ତ ହୋଇ ସାନ ଭାଇକୁ ଟାଙ୍ଗିଆରେ ହାଣିଲା । ଫଳରେ ଘଟଣାସ୍ଥଳରେ ସାନଭାଇ ନାଥର ମୃତ୍ୟୁ ଘଟିଛି । ଖବରପାଇ ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି ।
