ନୂଆଦିଲ୍ଳୀ (ଏଟିଆର ବ୍ୟୁରୋ) ; ବଲିଉଡରେ ଚାଲିଛି ବିବାହ ସିଜିନ । ଦିପଭିରଙ୍କ ପରେ ଏବେ ନଜରକୁ ଆସିଛନ୍ତି ବଲିଉଡ ଏବଂ ହଲିଉଡରେ ହଙ୍ଗାମା ମଚଉଥିବା ଚୁଲବୁଲି ନାୟିକା ପ୍ରିୟଙ୍କା ଚୋପ୍ରା । ବିବାହ ବନ୍ଧନରେ ବାନ୍ଧି ହେବେ ପ୍ରିୟଙ୍କା । ନିକଙ୍କୁ ନିଜର ଜୀବନସାଥୀ ଭାବେ ଗ୍ରହଣ କରିବେ । ଦୀର୍ଘ ଚାରିଦିନ ଧରି ଏହି ବିବାହ ଉତ୍ସବ ଜାରି ରହିବ । ତେବେ ସବୁଠାରୁ ବଡ କଥା ହେଉଛି ପ୍ରିୟଙ୍କାଙ୍କ ବିବାହ ଏକ ନିଆରା ଢ଼ଙ୍ଗରେ ହେବାକୁ ଯାଉଛି । ବାହାଘରରେ ଯୌାଗଦେବାକୁ ଆସିଥିବା ଅତିଥୀଙ୍କୁ ନିଜ ଲଗେଜରେ ବାନ୍ଧିବା ପାଇଁ ଏକ ସ୍ୱତନ୍ତ୍ର ଟ୍ୟାଗ ଦିଆଯାଇଛି । ଏହି ଟ୍ୟାଗରେ ଏନପି ଲେଖା ଅଛି । ଉଭୟଙ୍କ ନାଁର ପ୍ରଥମ ଅକ୍ଷରକୁ ନେଇ ବନାଯାଇଛି । ଏହାଛଡା ଅତିଥିଙ୍କ ଦିଆଯାଉଥିବା କିକାର୍ଡରେ ମଧ୍ୟ ଏନପି ଲେଖା ଅଛି ।
ସେପଟେ ଏହି ମାଙ୍ଗଳିକ କାର୍ଯ୍ୟରେ ଯୋଗ ଦେବାକୁ ଆସିଥିବା ଆମନ୍ତ୍ରିତ ଅତିଥିଙ୍କୁ ପ୍ରିୟଙ୍କା ସ୍ପେସାଲ ଉପହାର ମଧ୍ୟ ଦେଉଛନ୍ତି । ତେବେ ସବୁଠାରୁ ବଡ କଥା ହେଉଛି ଏଠାରେ ଅତିଥିମାନଙ୍କୁ ମୋବାଇଲ ଫୋନ ବ୍ୟବହାର କରିବାକୁ ମନାକରାଯାଇଛି । ବିବାହ ଉତ୍ସବ ହେଉଥିବା ପ୍ୟାଲେସକୁ ଲାଇଟ,ଫୁଲ ଏବଂ ସୁନ୍ଦର ସାଉଣ୍ଡରେ ସଜାଯାଇଛି ।
ପ୍ରିୟଙ୍କାଙ୍କ ବିବାହ ଉତ୍ସବରେ ଯୋଗ ଦେବା ପାଇଁ ବଡ ବଡ ଅତିଥିମାନେ ଯୋଗ ଦେବାକୁ ଆସିଛନ୍ତି । ଏଥିମଧ୍ୟରେ ଟୋଟାଲ ଅମ୍ବାନୀ ପରିବାର ଯୋଗ ଦେବାକୁ ଆସିଛନ୍ତି । ରିଲାଏନ୍ସ କମ୍ପାନୀର ମୁଖ୍ୟ ମୁକେଶ ଅମ୍ବାନୀ ପତ୍ନୀ ନିତା ଅମ୍ବାନୀ,ଝିଅ ଇଶା ଅମ୍ବାନୀ,ପୁଅ ଅନନ୍ତ ଅମ୍ବାନୀ ଏବଂ ତାଙ୍କ ପ୍ରେମିକା ରାଧିକା ଅମ୍ବାନୀ ମଧ୍ୟ ଏହି ପ୍ରିୟଙ୍କାଙ୍କ ସଙ୍ଗୀତ ଉତ୍ସବରେ ଯୋଗ ଦେବାକୁ ମୁମ୍ବାଇରୁ ଯୋଦ୍ଧପୁର ଆସିଥିଲେ । ଅଢ଼େଇ ଘଣ୍ଟା ରହିବା ପରେ ପୁଣି ଥରେ ମୁମ୍ବାଇ ଫେରିଯାଇଥିଲେ ।
