ଜୟପୁର (ଏଟିଆର ବ୍ୟୁରୋ): ଦିନକୁ ଦିନ ଅପରାଧୀଙ୍କ ଗୁଣ୍ଡାରାଜ୍ ବଢି ଚାଲିଛି । ରାଜ୍ୟର ବିଭିନ୍ନ ସହରରେ ଏମାନଙ୍କ ଚେର ମାଡିଥିବା ବେଳେ ,ଏବେ ଜୟପୁର ସହର ପାଲଟିଛି ଅପରାଧୀଙ୍କ କାୟାସ୍ଥଳୀ । ଏମାନଙ୍କର କାହାକୁ ଡର ଅଛି ନା ଭୟ । ପୋଲିସ ଆଖିରେ ଅଙ୍ଗୁଳି ଗେଞ୍ଜି ବେଧଡକ ଅପରାଧ କରିଚାଲିଛନ୍ତି । ପୁଣି ଗତକାଲି ରାତିରେ ଜୟପୁର ସହରରେ ଅପରାଧୀ ପୋଲିସ ଉପରକୁ ଗୁଳି ବିନିମୟ କରି ଖସି ପଳାଇବାରେ ସକ୍ଷମ ହୋଇଛନ୍ତି ।
ଖବରମୁତାବକ, ଗତକାଲି ବିଳମ୍ବିତ ରାତିରେ ଜୟପୁର ସହର ବାଇପାସ୍ ରୋଡରେ ପୋଲିସ ପାଟ୍ରୋଲିଂ କରୁଥିଲେ । ସେହି ସମୟରେ ଏକ ବାଇକ୍ ଯୋଗେ ଦୁଇଜଣ ଅପରାଧୀ ସେହି ବାଟ ଦେଇ ଯାଉଥିବା ବେଳେ ପୋଲିସ ସେମାନଙ୍କୁ ଅଟକାଇବାକୁ ଚେଷ୍ଟା କରିଥିଲା । ହେଲେ ସେମାନେ ରାସ୍ତାରେ ନଅଟକି ପୋଲିସ ଉପରକୁ ଗୁଳି ଚଳାଇଥିଲେ । ଏହାର ପାଲଟା ଜବାବରେ ପୋଲିସ ମଧ୍ୟ ଅପରାଧୀଙ୍କ ଉପରକୁ ଗୁଳି ବିନିମୟ କରିଥିଲା । ଏଥିରେ କେହି ଆହତ ହୋଇନଥିଲେ ମଧ୍ୟ ଅପରାଧୀ ଦ୍ୱୟ ଖସି ପଳାଇବାରେ ସକ୍ଷମ ହୋଇଛନ୍ତି ।
