ମୁମ୍ବାଇ (ଏଟିଆର ବ୍ୟୁରୋ): ବିବାହ ବନ୍ଧନରେ ବାନ୍ଧି ହୋଇଛନ୍ତି କମେଡି କିଙ୍ଗ୍ କପିଲ ଶର୍ମା ଏବଂ ଗିନି ଚତରଥ । ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଟେଲିଭିଜନର ମଶୁର କମେଡିଆନ୍ କପିଲ ଶର୍ମା ତାଙ୍କ ଗର୍ଲଫ୍ରେଣ୍ଡକୁ ସାତ ଜନ୍ମର ସାଥୀ କରିଛନ୍ତି ।
ଗତକାଲି ପଞ୍ଜାବି ରୀତି ନୀତିରେ ଜଳନ୍ଧରଠାରେ କପିଲଙ୍କ ବାହାଘର ସମ୍ପନ୍ନ ହୋଇଛି । ବାହାଘରର ଦୁଇଦିନ ପୂର୍ବରୁ ସମସ୍ତ ରଶମ ଆରମ୍ଭ ହୋଇ ଯାଇଥିଲା । ବାହାଘରର ପ୍ରଥମ ଫଟୋ କପିଲ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଏହି ଫଟୋରେ କପିଲ ସେରୱାନି ପିନ୍ଧି ହାତରେ ଖଣ୍ଡା ଏବଂ ମୁଣ୍ଡରେ ପକଡି ପିନ୍ଧିଥିବା ବେଳେ, ଅନ୍ୟପଟେ ଗିନି ମଧ୍ୟ ଲାଲ୍ ରଙ୍ଗର ଲେହଙ୍ଗା ଏବଂ ଭାରି ଭରକମ୍ ଅଳଙ୍କାର ମାନ ପିନ୍ଧି ଖୁବ୍ ସୁନ୍ଦର ନଜର ଆସୁଥିଲେ ।
କପିଲଙ୍କ ବାହାଘରରେ ଟେଲିଭିଜନର ଅନେକ କଳାକାର ସାମିଲ ହୋଇଥିଲେ । ଯେପରି ସୁମନା ଚକ୍ରବର୍ତ୍ତି,କୃଷ୍ଣା ଅଭିଶେକ୍, ସୁଦେଶ ଲହରୀ,ରୁଚା ଶର୍ମା ।
