କଟକ (ଏଟିଆର ବ୍ୟୁରୋ); ଓଡିଶା ମହିଳା କ୍ରିକେଟ ଟିମର ବଡ ସଫଳତା । ପ୍ରତିଦ୍ୱନ୍ଦୀ ଜମୁ-କାଶ୍ମୀରକୁ ୫ୱିକେଟରେ ହରାଇବା ସହ ନକଆଉଟ ପର୍ଯ୍ୟାୟ ପାଇଁ ଉନ୍ନିତ ହୋଇଛି । ସ୍ଥାନୀୟ ବୋଷ ପଡିଆରେ ଚାଲିଥିବା ଶେଷ ଲିଗ ମ୍ୟାଚରେ ଏହି ସଫଳତା ହାସଲ କରିଛି । ଓଡିଶା ମହିଳା ଦଳ ୮ଟି ଲିଗ୍ ମ୍ୟାଚରୁ ୫ଟି ବିଜୟ ହୋଇଥିବା ବେଳେ ୩ଟି ପରାଜୟ ହୋଇଛି । ୫ଟି ବିଜୟ ସହ ୨୦ ପଏଣ୍ଟ ପାଇଁ ଏଲଟି ଗ୍ରୁପ ସିରୁ ନକଆଉଟ ପର୍ଯ୍ୟାୟକୁ ଉନ୍ନିତ ହୋଇଛି ।
ପ୍ରଥମେ ଟସ ଜିତି ଭ୍ରମଣକାରୀ ଜମୁ-କାଶ୍ମୀର ୧୯ ଓଭର ଗୋଟେ ବଲରେ ମାତ୍ର ୪୫ ରନ କରିବା ସଫଳ ହୋଇଥିଲା । ରୁବିୟାନ ସର୍ବାଧିକ ୧୦ କରିଥିବା ବେଳେ ବାକି ଖେଳାଳି ୫ରନ ଉପରକୁ ଯାଇନଥିଲେ । ସେପଟେ ଓଡିଶା ପକ୍ଷରୁ ସୁଜାତା ମଲ୍ଲିକ ୪ଟି ୱିକେଟ ନେଇଥିବା ବେଳେ ପ୍ରିୟଙ୍କା ପ୍ରିୟଦର୍ଶିନୀ ୩ଟି ୱିକେଟ ନେବା ପାଇଁ ସଫଳ ହୋଇଛନ୍ତି । ୪୬ ରନର ବିଜୟ ଲକ୍ଷକୁ ପାର କରିବା ପାଇଁ ୭ ଓଭର ୨ଟି ବଲରେ ସଫଳ ହୋଇଥିଲା । ୪୬ ରନ କରିବା ପାଇଁ ଓଡିଶା ୫ଟି ୱିକେଟ ହରାଇ ଥିଲା ।
