ମୁମ୍ବାଇ (ଏଟିଆର ବ୍ୟୁରୋ): ଲଣ୍ଡନରେ ଦୁହେଁ ଦୁହିଁଙ୍କ ସହ କ୍ୱାଲିଟି ଟାଇମ୍ ସ୍ପେଣ୍ଡ କରୁଛନ୍ତି ଏହି ନବବିବାହିତା ଦମ୍ପତ୍ତି । ସେ ଆଉ କେହି ନୁହଁନ୍ତି ଦେଶୀ ଗର୍ଲ ଓ ବିଦେଶୀ ବୟ ପିସି-ନିକ୍ । ଆଜ୍ଞା ହଁ ବାହାଘର ପରେ ପ୍ରିୟଙ୍କା ଏବଂ ନିକ୍ ଙ୍କ ଏକ ରୋମାଣ୍ଟିକ୍ ଫଟୋ ସାମ୍ନାକୁ ଆସିଛି ।
ପ୍ରକୃତରେ ପ୍ରିୟଙ୍କା ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ନିକ୍ ଙ୍କୁ କିସ୍ କରୁଥିବାର ନଜର ଆସୁଛନ୍ତି । ଏହାସହିତ କ୍ୟାପସନରେ ଲେଖିଛନ୍ତି କି, ‘ପ୍ଲାନେଟର ସବୁଠାରୁ ଷ୍ଟାଇଲିଶ୍ ବ୍ୟକ୍ତିକୁ କିସ୍ କରି ସମ୍ମାନିତ ଅନୁଭବ କରୁଛି..’ । ଦୁହିଁଙ୍କର ଏହି ରୋମାଣ୍ଟିକ୍ ଫଟୋଟି ଖୁବ୍ ଜୋରରେ ଭାଇରାଲ ହେଉଛି ।
ଖବର ମୁତାବକ, ଚଳିତ ବର୍ଷ ଡିସେମ୍ବର ୧ ଓ ୨ରେ ପ୍ରିୟଙ୍କା ଏବଂ ନିକ୍ ଙ୍କ ବାହାଘର ସମ୍ପନ୍ନ ହୋଇଥିଲା । ଏହାସହିତ ତିନୋଟି ଦାନଦାର୍ ରିସେପସନ୍ ପାର୍ଟି ମଧ୍ୟ ଦେଇସାରିଛନ୍ତି । ଏବେ ପୁଣି ଲସ୍ ଏଞ୍ଜଲିସ୍ ରେ ଚତୁର୍ଥ ପାର୍ଟି ଦେବେ ବୋଲି ଶୁଣିବାକୁ ମିଳିଛି । ଏଥିରେ କେବଳ ଖାସ୍ ବନ୍ଧୁମାନେ ସାମିଲ ହେବେ ।
