ବ୍ରହ୍ମପୁର (ଏଟିଆର ବ୍ୟୁରୋ): ପୁଣି ଏକ ନାଇଟକୋଚ୍ ବସ୍ ଦୁର୍ଘଟଣାଗସ୍ତ ଘଟିଛି । ଏଥିରେ ୪ ଜଣ ଆହତ ହୋଇଥିବା ବେଳେ ବସ୍ ର ସାମ୍ନା ଭାଗ ଚୁର୍ ମାର୍ ହୋଇଯାଇଛି । ଘଟଣାଟି ଗଞ୍ଜାମ ଜିଲ୍ଲା ସୋରଳ ଛକ ନିକଟରେ ଘଟିଛି ।
ଗତକାଲି ବିଳମ୍ବିତ ରାତିରେ ଘନ କୁହୁଡି ଥିବା ଯୋଗୁଁ ଏହି ଦୁର୍ଘଟଣା ଘଟିଥିବାର ଅନୁମାନ କରାଯାଉଛି । ଖମ୍ବେଶ୍ୱରୀ ନାମକ ଏକ ଘରୋଇ ବସ୍ ଟି ବିପରୀତ ଦିଗରୁ ଆସୁଥିବା ଅନ୍ୟ ଏକ ବସ୍ କୁ ଧକ୍କା ଦେଇଥିଲା । ଫଳରେ ଏଥିରେ ଯାତ୍ରୀଙ୍କର ବିଶେଷ କିଛି କ୍ଷୟ କ୍ଷତି ହୋଇନଥିଲେ ମଧ୍ୟ ୪ ଜଣ ଯାତ୍ରୀ ଆହତ ହୋଇଥିବା ଜଣାପଡିଛି । ଆହତକୁ ଚିକିତ୍ସା କରିବା ଲାଗି ବ୍ରହ୍ମପୁର ଏମକେସିଜି ହସ୍ପିଟାଲକୁ ପଠାଇ ଦିଆଯାଇଛି । ଘଟଣାରେ ପୋଲିସ୍ ପହଁଚି ତଦନ୍ତ ଆରମ୍ଭ କରିଛି ।
