ଗଞ୍ଜାମ (ଏଟିଆର ବ୍ୟୁରୋ); ଗଞ୍ଜାମ ଜିଲ୍ଲା ଖଲ୍ଲିକୋର୍ଟ ଅଞ୍ଚଳରେ ଜଣେ ଯୁବକର ଜିଭ କାଟିଲେ ଦୁର୍ବୃତ୍ତ । ଆହତ ଯୁବକ ଜଣକ ହେଲେ ଗେଣଷ ବେହେରା (୪୦) । ତାଙ୍କ ଘର ବରପଦର ଅଞ୍ଚଳରେ ବୋଲି ଜଣାପଡିଛି । ଗଣେଷଙ୍କୁ ବ୍ରହ୍ମପୁର ବଡ ମେଡିକାଲରେ ଭର୍ତ୍ତି କରାଯାଇଛି । ତେବେ ଏଭଳି କାଣ୍ଡ ଘଟାଇଥିବା ଦୁର୍ବୃତ୍ତମାନେ ଫେରାର ହୋଇ ଯାଇଥିବା ସୂଚନା ମିଳିଛି । ପୋଲିସ ଖବର ପାଇବା ପରେ ଘଟଣାର ତଦନ୍ତ ଜାରି କରିଛି । ତେବେ ଏହା ପୂର୍ବ କଳହକୁ କେନ୍ଦ୍ର କରି ଏପରି ହୋଇଛି ବୋଲି ପୋଲିସର ପ୍ରାଥମିକ ତଦନ୍ତରୁ ଜଣା ପଡିଛି ।
ପୋଲିସ ରିପୋର୍ଟ ଅନୁଯାୟୀ ରବିବାର ଖଲ୍ଳିକୋର୍ଟରୁ ଗ୍ରାମକୁ ଫେରୁଥିବା ବେଳେ ହଠାତ ନିର୍ମଳଝର ନିକଟରେ ଦୁଇ ଜଣ ଦୁର୍ବୃତ୍ତ ଆସି ଅଟକାଇ ଆକ୍ରମଣ କରିଥିଲେ । ପରେ ଏମାନେ ଗଣେଷଙ୍କ ଜିଭ କାଟି ଦେଇ ଚମ୍ପଟ ମାରିଥିଲେ । ରାସ୍ତାରେ ପଡି ଗଣେଷ ଛଟପଟ ହେଉଥିବା ସ୍ଥାନୀୟ ଲୋକ ଦେଖିବା ପରେ ତାଙ୍କୁ ଉଦ୍ଧାର କରି ଖଲ୍ଲିକୋଟ ମେଡିକାଲରେ ଭର୍ତ୍ତି କରିଥିଲେ । ତେବେ ପରେ ଅବସ୍ଥା ସଙ୍କଟାପର୍ଣ୍ଣ ହେବା ପରେ ତାଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି । ତେବେ ଏହି ଖବର ସମ୍ପର୍କରେ ସୂଚନା ପାଇବା ପରେ ଖଲ୍ଲିକୋଟ ପୋଲିସ ଘଟଣାସ୍ଥଳରେ ପହଁଞ୍ଚି ତଦନ୍ତ ଆରମ୍ଭ କରିଛି ।
