ସିଡନୀ (ଏଟିଆର ବ୍ୟୁରୋ); ବିରାଟ କୋହଲି ଏବଂ ତାଙ୍କ ପତ୍ନୀ ପଡିଆ ମଝିରେ ଆଲିଙ୍ଗନ କରିଥିବା ପଟୋ ଭାଇରାଲ ହେବାରେ ଲାଗିଛି । ଅଷ୍ଟ୍ରେଲିଆରେ ସିରିଜ ବିଜୟ ପରେ ପଡିଆରେ ଦେଖିବାକୁ ମିଳିଥିଲା ଏଭଳି ଦୃଶ୍ୟ । ଦଳର ଅନ୍ୟ ଖେଳାଳିଙ୍କ ସହ ପଡିଆ ମଧ୍ୟରେ ଅନୁଷ୍କା ମଧ୍ୟ ଦର୍ଶକଙ୍କୁ ଅଭିନନ୍ଦନ ଜଣାଇଥିଲେ ।
ତେବେ ବିରାଟ ଅନୁଷ୍କାଙ୍କ ପ୍ରତି ଥିବା ପ୍ରେମ ବହୁତ ଫଟୋରେ ଦେଖିବାକୁ ମିଳିଛି । ଅଷ୍ଟ୍ରେଲିଆରେ ଉଭୟ ନୂଆ ବର୍ଷ ଏବଂ ଖ୍ରୀଷ୍ଟମାସ ପାଳିଥିଲେ । ନିକଟରେ ଅଷ୍ଟ୍ରେଲିଆର ପ୍ରଧାନ ମନ୍ତ୍ରୀଙ୍କ ଉଭୟ ଭାରତୀୟ ଖେଳାଳି ଏବଂ ଅଷ୍ଟ୍ରେଲିଆ ଖେଳାଳି ଭେଟିବାକୁ ଯାଇଥିବା ବେଳେ ସେଠାକୁ ମଧ୍ୟ ଅନୁଷ୍କାଙ୍କୁ ନେଇ ଯାଇଥିଲେ ବିରାଟ । ତେବେ ଏଥିରୁ ସ୍ପଷ୍ଠ ଜଣା ପଡିଛି କି ବିରାଟ ଅନୁଷ୍କାଙ୍କୁ କେତେ ଭଲ ପାଆନ୍ତି ।
ସିଡନୀରେ ବର୍ଷା ମ୍ୟାଚରେ ବାଧକ ସାଜିଥିବାରୁ ମ୍ୟାଚ ଡ୍ର ହୋଇଥିଲେ ସୁଦ୍ଧା ଭାରତ ୨-୧ରେ ଆଗୁଆ ଥିବାରୁ ସିରିଜ ବିଜୟ ହୋଇଥିଲା । ତେବେ ଏହି ସିରିଜ ବିଜୟ ପରେ ଭାରତ ବହୁତ ରେକର୍ଡ କରିବାରେ ସଫଳ ହୋଇଛି । ସ୍ୱାଧିନତା ପରେ ଭାରତ ପ୍ରଥମ ଥର ପାଇଁ ଅଷ୍ଟ୍ରେଲିଆ ମାଟିରେ ଘରୋଇ ଦଳକୁ ମାଟି ଚଟାଇଛି ।
ଅଷ୍ଟ୍ରେଲିଆ ମାଟିରେ କଙ୍ଗାରୁ ବାହିନୀକୁ ଗୋଟିଏ ମ୍ୟାଚ ହରାଇବାରେ ସବୁ ଦଳ ଖୁସି ଜାହିର କରିଥାନ୍ତି ମାତ୍ର ସିରିଜ ଜିତିବା ପରେ ଭାରତୀୟ ଦଳ ପାଇଁ ପ୍ରଂଶସାର ସୁଅ ଛୁଟି ଆସିଛି । ସେପଟେ ପ୍ରଥମ ଏସୀୟ ଦଳ ଭାବରେ ଭାରତ ଅଷ୍ଟ୍ରେଲିଆକୁ ହରାଇ ସିରିଜ ହାତେଇଛି ।
