ଯାଜପୁର (ଏଟିଆର ବ୍ୟୁରୋ): ଯାଜପୁର ଜିଲ୍ଲା ଜାରକା ଗୋକର୍ଣ୍ଣେଶ୍ୱର ନିକଟ ବ୍ରାହ୍ମଣୀ ପୋଲ ଉପରେ ଏକ ବସ୍ ଦୁର୍ଘଟଣାଗସ୍ତ ଘଟିଛି । ଟୁରିଷ୍ଟ ବସ୍ ସହ ଟ୍ରକ୍ ମୁହାଁ ମୁହିଁ ଧକ୍କା ହୋଇଛି । ଦୁର୍ଘଟଣାରେ ଜଣଙ୍କର ମୃତ ଘଟିଛି ଏବଂ ୧୩ ଜଣ ଆହତ ହୋଇଛନ୍ତି । ଆହତଙ୍କୁ ଚିକିତ୍ସା କରିବା ଲାଗି ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ବାଇନେ ଟ୍ରାଭେଲ୍ସର ଏକ ଟୁରିଷ୍ଟ ବସ୍ ଟି ଯାତ୍ରୀଙ୍କ ନେଇ କୋଲକାତାରୁ ବାହାରି ପୁରୀ ଆସୁଥିବା ବେଳେ ଭୋରୁ ଭୋରୁ ଏହି ଦୁର୍ଘଟଣା ଘଟିଥିଲା । ଏଥିରେ ବସର ସମୁଖ ଭାଗ ଭାଙ୍ଗି ରୁଜି ଯାଇଛି । ଘଟଣାରେ ପୋଲିସ ପହଁଚି ଯାତ୍ରୀଙ୍କୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି ।
