ଜଗତସିଂହପୁର (ଏଟିଆର ବ୍ୟୁରୋ): ପୁଣି ଏକ ଅଘଟଣ ସାମ୍ନାକୁ ଆସିଛି । ଭୟାବହ ଅଗ୍ନିକାଣ୍ଡରେ ଦୁଇ ବଖରା ଘର ଜଳି ପୋଡି ପାଉଁଶ ହୋଇଯାଇଛି । ଏଥିରେ ଜଣେ କଲେଜ ଛାତ୍ରୀଙ୍କ ମୃତ୍ୟୁ ଘଟିଛି । ମୃତକଙ୍କ ନାଁ ମାମ ଦାସ । ଘଟଣାଟି ଜଗତସିଂହପୁର ରାଉତ ନୂଆ ଗାଁରେ ଘଟିଛି ।
ଗତକାଲି ସନ୍ଧ୍ୟାରେ ଏହି ଅଗ୍ନିକାଣ୍ଡ ଘଟିଥିଲା । କୌଣସି କାରଣ ବସତଃ ଅଚାନକ୍ ଘରେ ନିଆଁ ଲାଗିଯିବା ଫଳରେ ମାମା ଏକାକି ଥିବା ହେତୁ ଜୀବନ୍ତ ଦଗ୍ଧ ହୋଇଯାଇଥିଲେ । ନିଆଁ ଲାଗିଥିବାର ଦେଖି ଗାଁ ଲୋକେ ଦମକଳବାହିନୀକୁ ଖବର ଦେଇଥିଲେ । ଘଟଣାସ୍ଥଳରେ ଦମକଳବାହିନୀ ପହଁଚି ନିଆଁକୁ ଆୟତ୍ତ କରିଥିଲେ । ଘଟଣାରେ ପୋଲିସ ତଦନ୍ତ ଚଳାଇଛି ।
