ବାଲେଶ୍ୱର (ଏଟିଆର ବ୍ୟୁରୋ); ପୋଲିସ ବାବୁଙ୍କ ସହାସିକତା । ଲୁଟେରାଙ୍କୁ ଗୋଡାଇ ଧରିଲେ । ଏହା ରିଲରେ ନୁହେଁ ରିୟଲରେ ଘଟିଛି । ବିଶ୍ୱାସ ନ ହେଲେ ବି କଥାଟି ସତ । ତେବେ ଏଭଳି ଏକ ସାହସିକତା ଦେଖାଇଛନ୍ତି ବାଲେଶ୍ୱର ଜିଲ୍ଲା ସହଦେବ ଖୁଣ୍ଟା ଟ୍ରାଫିକ ଥାନା ଅଧିକାରୀ ପ୍ରସାନ୍ତ ରଣସିଂହ । ଲୁଟେରା ଦ୍ୱୟ ଲୁଟ କରୁଥିବା ବେଳେ ସିଙ୍ଘମ ଷ୍ଟାଇଲରେ ଗୋଡାଇ ଧରି ସେମାନଙ୍କୁ ଗିରଫ କରିଛନ୍ତି । ଅଭିଯୁକ୍ତଦ୍ୱୟ ହେଲେ ଦୀପକ ବେହେରା ଏବଂ ପ୍ରଭାକର ମଣ୍ଡଳ ।
ସୂଚନା ଅନୁଯାୟୀ ବାଲେଶ୍ୱର ଲାଇନ ଛକରେ ଜଣେ ଯୁବତୀ ଠିଆ ହୋଇଥିବା ବେଳେ ଲୁଟେରା ଦ୍ୱୟ ପଲସର ବାଇକରେ ଆସି ଯୁବତୀଙ୍କ ଠାରୁ ବ୍ୟାକ ଛଡାଇ ଫେରାର ହୋଇ ଯାଇଥିଲେ । ତେବେ ଛକ ପାଖରେ ଛିଡା ହୋଇଥିବା ପ୍ରସାନ୍ତ ରଣସିଂହ ଲୁଟେରାଙ୍କ ପିଛା କରିଥିଲେ । ଶେଷରେ ଆଗରେ ରେଳ ଫାଟକ ପଡିବାରୁ ଲୁଟେରା ଦ୍ୱୟ ସେଠାରେ ଅଟକି ଯାଇଥିଲେ । ପରେ ସିଙ୍ଘମ ଷ୍ଟାଇଲରେ ସେମାନଙ୍କୁ ଧରି ଆଣିଥିଲେ ଥାନାକୁ । ତେବେ ଏହି ଖବର ପ୍ରଚାର ହେବା ପରେ ପ୍ରସାନ୍ତଙ୍କୁ ପ୍ରଂଶସାର ସୁଅ ଛୁଟି ଆସିଛି ।
