ଭୁବନେଶ୍ୱର (ଏଟିଆର ବ୍ୟୁରୋ): ଆଗାମୀ ନିର୍ବାଚନ ଲାଗି ରାଜ୍ୟ ସରକାର ବିଭିନ୍ନ ଯୋଜନା କରିଚାଲିଛନ୍ତି । ପିଠା ଯୋଜନା, କାଳିଆ ଯୋଜନା, ଏଲଇଡି ଯୋଜନା ପରେ ଏବେ ଆରମ୍ଭ ହୋଇଛି ସୁନେତ୍ର ଯୋଜନା । ଏନେଇ ମଙ୍ଗଳବାର ଏହି ଯୋଜନାର ଶୁଭାରମ୍ଭ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରିଛନ୍ତି । ଆଜିଠୁ ଏହି ଯୋଜନା ଆରମ୍ଭ ହୋଇଛି । ଏହି ଯୋଜନାର ଲାଭ ରାଜ୍ୟର ସମସ୍ତ ବର୍ଗର ଲୋକ ଉଠାଇପାରିବେ । ଏହାସହିତ ପ୍ରତିବର୍ଷ ସ୍କୁଲରେ ଛାତ୍ରଛାତ୍ରୀମାନଙ୍କର ମାଗଣାରେ ଚକ୍ଷୁ ଚିକିତ୍ସା କରାଯିବ । ବୟସ୍କ ଲୋକଙ୍କ ପାଇଁ ପ୍ରତିବର୍ଷ ମାଗଣାରେ ଆଖି ପରୀକ୍ଷା ହେବା ସହ ଚଷମା ବ୍ୟବସ୍ଥା ମଧ୍ୟ କରାଯିବ । ଏହାବ୍ୟତିତ ମୋତିଆବିନ୍ଦୁ ପାଇଁ ମଧ୍ୟ ମାଗଣା ଅସ୍ତ୍ରୋପଚାର କରାଯିବ । ଏହି ଯୋଜନାର ସୁବିଧା ସମସ୍ତ ଜିଲ୍ଲା ଡାକ୍ତରଖାନା , ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଏବଂ ମେଡିକାଲ କଲେଜରେ ପାଇ ପାରିବେ ଲୋକେ ।
