ଜଗତସିଂହପୁର (ଏଟିଆର ବ୍ୟୁରୋ); ଗଛରେ ପିଟିହେଲା ସ୍କୁଟି । ଦୁର୍ଘଟଣା ଚାଲିଗଲା ଜଣଙ୍କ ଜୀବନ । ତେବେ ଏଭଳି ଘଟଣା ଘଟିଛି ଜଗତସିଂହପୁର ଜୟପୁର ଅନ୍ତର୍ଗତ ରାହାଡିଙ୍ଗା ଛକରେ । ତେବେ ଏହି ଦୁର୍ଘଟଣାରେ ଆଉ ତିନି ଜଣ ମଧ୍ୟ ଗୁରୁତର ଆହାତ ହୋଇଛନ୍ତି । ଆହତଙ୍କୁ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସେପଟେ ଖରାପ ରାସ୍ତା ଯୋଗୁଁ ଏହି ଦୁର୍ଘଟଣା ଘଟିଥିବାରୁ ଉତ୍ୟକ୍ତ ଲୋକ ରାସ୍ତାରେ ଟାୟାର ଜାଳି ପ୍ରତିବାଦ କରିଛନ୍ତି । ଫଳରେ ଜଗତସିଂହପୁର-ଜୟପୁର ରାସ୍ତାରେ ଗାଡି ଚଳାଚଳ ବନ୍ଦ ରହିଛି ।
ରିପୋର୍ଟ ମୁତାବକ ସୋମବାର ସକାଳ ୧୦ଟା ସମୟରେ ସ୍କୁଟିରେ କ୍ରିଷ୍ଣାନନ୍ଦପୁରର ଜଣେ ଆସୁଥଲେ । ତେବେ ସାମ୍ନାପଟୁ ଗାଡି ଆସୁଥିବା ଦେଖି ଗାଡି ସାଇଡ କଲା ବେଳେ ରାସ୍ତା କଡରେ ଠିଆ ହୋଇଥିବା ଲୋକଙ୍କୁ ଧକ୍କା କରି ଗଛରେ ପିଟି ହୋଇଥିଲା ସ୍କୁଟି । ସ୍ଥାନୀୟ ଲୋକ ଆହତଙ୍କୁ ଉଦ୍ଧାର କରି ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସିତ ହେଉଥିବା ସମୟରେ ଜଣଙ୍କର ମୃତ୍ୟୁ ହୋଇଛି । ତେବେ ଖରାପ ରାସ୍ତା ପାଇଁ ଜୀବନ ଯାଇଥିବାରୁ ସ୍ଥାନୀୟ ଲୋକ ରାସ୍ତା ରୋକ କରିଛନ୍ତି । ସେପଟେ ମୃତକଙ୍କ ପରିବାରକୁ କ୍ଷତି ପୂରଣ ମଧ୍ୟ ଦାବି କରିଛନ୍ତି ଲୋକ ।
