ନେପିୟର (ଏଟିଆର ବ୍ୟୁରୋ); ପ୍ରଥମ ଦିନିକିଆରେ ନ୍ୟୁଜିଲାଣ୍ଡକୁ ଘରୋଇ ମାଟିରେ ହରାଇଛି ଭାରତ । ୫ଟି କିଆ ଦିନିକିଆ ସିରିଜରେ ଭାରତ ୧-୦ରେ ଆଗୁଆ ରହିଛି । ଭାରତ ପକ୍ଷରୁ ଧାୱନ ସର୍ବାଧିକ ୭୫ ରନ କରି ଭାରତକୁ ବିଜୟ ଦେଇଛନ୍ତି । ଘରୋଇ ଦଳକୁ ପ୍ରଥମ ଦିନିକିଆରେ ହରାଇବା ପରେ ବେଶ ଖୁସି ଅଛି ବିରାଟ ବାହିନୀ । ଭାରତର ଏହି ବିଜୟକୁ ସ୍ୱାଗତ ଜଣାଇଛନ୍ତି ଭାରତୀୟ କ୍ରିକେଟ ପ୍ରେମୀ । ଭାରତ ୮ ୱିକେଟରେ ଏହି ମ୍ୟାଚ ବିଜୟ ହୋଇଛି । ମହମ୍ମଦ ସାମିଙ୍କୁ ପ୍ଲେୟାର ଅଫ ଦି ମ୍ୟାଚ ବିବେଚିତ କରାଯାଇଛି ।
ଘରୋଇ ଦଳ ପ୍ରଥମେ ବ୍ୟାଟିଂ କରି ମାତ୍ର ୧୫୭ ରନ କରିଥିଲା । ଭାରତ ପକ୍ଷରୁ କୁଲଦୀପ ଯାଦବ ୪ଟି ଏବଂ ସାମି ୩ଟି ୱିକେଟ ନେଇଥିବା ବେଳେ ଚହଲ ୨ଟି ଏବଂ କେଦାର ଗୋଟିଏ ୱିକେଟ ନେବାରେ ସଫଳ ହୋଇଛନ୍ତିି । ସେପଟେ ଏହି ସ୍କୋରକୁ ପିଛା କରୁଥିବା ବେଳେ କିଛି ସମୟ ଖେଳ ବନ୍ଦ ରହିଥିଲା । ଏଣୁ ୪୯ ଓଭରରେ ୧୫୬ ରନ ଦିଆଯାଇଥିଲା । ଏହାକୁ ବିରାଟ ବାହିନୀ ୩୪ ଓଭର ୫ଟି ବଲରେ ହାସଲ କରିଛି ।
