ମୁମ୍ବାଇ (ଏଟିଆର ବ୍ୟୁରୋ): ପ୍ରିୟଙ୍କା ଗାନ୍ଧୀ ଭଦ୍ରା କଂଗ୍ରେସ ଦଳରେ ଏଣ୍ଟ୍ରି କରିବା ପରେ ଚାରଆଡେ ଚର୍ଚ୍ଚା ଜୋର ଧରିଛି । ସେ ରାଜନୈତିକ ମହଲ ହେଉ ଅବା ଫିଲ୍ମ ଇଣ୍ଡଷ୍ଟ୍ରି । ସେପଟେ ପ୍ରିୟଙ୍କା ଗାନ୍ଧୀଙ୍କୁ ନେଇ ବଲିଉଡ ଅଭିନେତ୍ରୀ ପାୟଲ ରୋହତଗି ଏକ ଆଶ୍ଚର୍ଯ୍ୟଜନକ ବୟାନ ଦେଇଛନ୍ତି । ସେ ପ୍ରିୟଙ୍କା ଗାନ୍ଧୀଙ୍କୁ ଅଭିନେତ୍ରୀ ସନ୍ନି ଲିଓନିଙ୍କ ସହ ତୁଳନା କରିଛନ୍ତି । ପ୍ରିୟଙ୍କା ଗାନ୍ଧୀ ଭଦ୍ରା କଂଗ୍ରେସ ମହାସଚିବ ହେବା ପରେ ’୩୬ ଚାଇନା ଟାଉନ’ର ଅଭିନେତ୍ରୀ ଟ୍ୱିଟ୍ କରି ପ୍ରିୟଙ୍କା ଏବଂ ତାଙ୍କ ପରିବାରର ମଜାକ ଉଡାଇବା ସହ ଖରାପ କମେଂଟ ମଧ୍ୟ କରିଛନ୍ତି ।
ପାୟଲ ରୋହତଗୀ ପ୍ରିୟଙ୍କାଙ୍କ ରାଜନୈତିକ ଦଳରେ ସାମିଲ ହେବାକୁ ନେଇ ତାଙ୍କୁ ପୂର୍ବ ପର୍ଣ୍ଣଷ୍ଟାର ସନ୍ନି ଲିଓନିଙ୍କ ସହ ଯୋଡି ମଜାକ ଉଡାଇଛନ୍ତି । ପାୟଲଙ୍କ ଏହି ପୋଷ୍ଟ ଦେଖି ୟୁଜର୍ସ ତାଙ୍କ ଉପରେ ଭଡକିବା ଆରମ୍ଭ କରିଦେଇଥିଲେ । ୟୁଜର୍ସଙ୍କ କହିବାନୁଯାୟୀ ଜଣେ ମହିଳା ହୋଇ କିଭଳି ଜଣେ ମହିଳାଙ୍କ ବିଷୟରେ ଏଭଳି କହୁଛନ୍ତି । ଏହାସହିତ ପାୟଲ ଲାଇମଲାଇଟ୍ କୁ ଆସିବା ପାଇଁ ଏଭଳି ହରକତ କରିଛନ୍ତି ବୋଲି ଲୋକେ କହୁଛନ୍ତି ।
ପ୍ରିୟଙ୍କାଙ୍କ ବିରୋଧରେ ପାୟଲ ଲେଖିଛନ୍ତି ଯେ, ‘ଲୋକେ କୁହନ୍ତି କି ପ୍ରଧାନମନ୍ତ୍ରୀ ହେବା ପାଇଁ ଇନ୍ଦିରାଗାନ୍ଧୀ ଲାଲ ବାହାଦୁର ଶାସ୍ତ୍ରୀଙ୍କୁ ହତ୍ୟା କରିଥିଲେ । ଏହାସହିତ ଇନ୍ଦିରାଗାନ୍ଧୀ ତାଙ୍କ ନିଜ ପୁଅ ସଞ୍ଜୟ ଗାନ୍ଧୀଙ୍କୁ ମଧ୍ୟ ହତ୍ୟା କରିଥିଲେ ।’
ଖବରମୁତାବକ, ଢେରଦିନ ହେବ ପାୟଲ ରୋହତଗୀ ଫିଲ୍ମ ଇଣ୍ଡଷ୍ଟ୍ରିରୁ ଦୂରେଇ ଅଛନ୍ତି । ସେହି କାରଣରୁ ସେ ପବ୍ଲିସିଟି ପାଇବା ପାଇଁ ଏଭଳି ପୋଷ୍ଟ କରୁଛନ୍ତି । ଏହା ତାଙ୍କ ପାଇଁ ପ୍ରଥମ ଥର ନୁହେଁ ପୂର୍ବରୁ ସେ କଂଗ୍ରେସ ବିରୋଧରେ ଅନେକ କଥା କହିଛନ୍ତି ।
