ମୁମ୍ବାଇ (ଏଟିଆର ବ୍ୟୁରୋ): ପୁଣି ଥରେ ବଲିଉଡରେ ଧମାକାଦାର୍ କମେଡି ଡୋଜ୍ ଦର୍ଶକଙ୍କୁ ଦେଖିବାକୁ ମିଳିବ । ଆଜ୍ଞା ହଁ ଖୁବ୍ ଶୀଘ୍ର ପରଦାକୁ ଆସିବାକୁ ଯାଉଛି ଫିଲ୍ମ ‘ଟୋଟାଲ ଧମାଲ’ । ଫିଲ୍ମରେ ସଂଘମ ଅଜୟ ଦେବଗନ୍ , ଅନୀଲ କପୁର ଏବଂ ମାଧୁରୀ ଦିକ୍ଷୀତ୍ ପ୍ରମୁଖ ଭୂମିକାରେ ନଜର ଆସିବେ । ଏମାନଙ୍କ ବ୍ୟତିତ ରିତେଶ ଦେଶମୁଖ, ଅରଶଦ ୱାର୍ସି,ଜାବେଦ ଜାଫରୀ ଏବଂ ସଞ୍ଜୟ ମିଶ୍ରାଙ୍କୁ ବି ଦେଖିବାକୁ ମିଳିବ । କିଛି ଦିନ ପୂର୍ବରୁ ଫିଲ୍ମର ଟ୍ରେଲର ରିଲିଜ୍ ହୋଇଥିଲା । ଏବେ ଫିଲ୍ମର ପ୍ରଥମ ଗୀତ ପୈସା ପୈସା ରିଲିଜ୍ ହୋଇଯାଇଛି । ଗୀତରେ ଫିଲ୍ମର ସମ୍ପୂର୍ଣ୍ଣ ଷ୍ଟାରକାଷ୍ଟ ନଜର ଆସିଛନ୍ତି ।
ଗୀତଟି ଶୁଣିବାକୁ ବହୁତ ହୃଦୟସ୍ପର୍ଶୀ ଲାଗୁଛି । ଗୋଟେପଟେ ଗୀତଟି ରିମେକ୍ ଭଳି ଲାଗୁଛି କିନ୍ତୁ ଏହାକୁ ଅରିଜିନାଲ ଭଳି କରାଯାଇଛି । ଗୀତରେ ମାଧୁରୀ ଗ୍ଲାମରସ୍ ଲୁକ୍ ରେ ନଜର ଆସିଛନ୍ତି । ଏହି ଗୀତକୁ ଦେଖିଲା ପରେ ଲାଗୁଛି ମାଧୁରୀ ଦିକ୍ଷୀତ୍ ବିଲକୁଲ୍ ୫୦ ବର୍ଷର ନୁହଁନ୍ତି ।
ଗୀତରେ ସମସ୍ତ ଷ୍ଟାର ବ୍ଲୁ ଡ୍ରେସ ପିନ୍ଧିଥିବାର ଦେଖିବାକୁ ମିଳିଛି । ଏହି ଗୀତରେ ଦେବ୍ ନେଗୀ, ଶୁଭ୍ରୋ ଗାଙ୍ଗୁଲି ଏବଂ ଅର୍ପିତା ଚକ୍ରବର୍ତ୍ତି କଣ୍ଠଦାନ କରିଛନ୍ତି । ଏହାସହିତ ଏଥିରେ ଅଜୟ ଦେବଗନଙ୍କୁ ଅଲଗା ଅନନ୍ଦାଜରେ ଦେଖିବାକୁ ମିଳିଛି । ଏହି ସିରିଜ୍ ରେ ଅଜୟ ପ୍ରଥମ କରି ଏଣ୍ଟ୍ରି କରିଛନ୍ତି । ସେ ଏହି ଫିଲ୍ମରେ ସଞ୍ଜୟ ଦତ୍ତଙ୍କ ସ୍ଥାନରେ ନଜର ଆସିବେ । ଏହି ଫିଲ୍ମ ଜରିଆରେ ଦର୍ଶକ ପୁଣି ଥରେ ମାଧୁରୀ ଏବଂ ଅନୀଲ କପୁରଙ୍କ ଯୋଡିକୁ ଦେଖିବାକୁ ପାଇବେ । ଫିଲ୍ମଟି ଫେବୃଆରୀ ୨୨ ରେ ପରଦାରେ ମୁକ୍ତିଲାଭ କରିବ ।
