ମୁମ୍ବାଇ (ଏଟିଆର ବ୍ୟୁରୋ): ଅଭିନେତ୍ରୀ ମୌନି ରାୟ ତାଙ୍କ ବୟଫ୍ରେଣ୍ଡ ମୋହିତଙ୍କ ସହ ବ୍ରେକଅପ୍ କରିଦେଇଛନ୍ତି ବୋଲି ତାଙ୍କ ଡେବ୍ୟୁ ଫିଲ୍ମ ‘ଗୋଲ୍ଡ’ର ପ୍ରମୋଶନରେ ସେ ସମସ୍ତଙ୍କ ଆଗାରେ ଖୁଲାସା କରିଥିଲେ । ମୌନି ଖୁଲାସା କରିଥିଲେ କି, ‘ଦୀର୍ଘ ଦିନ ହେବ ମୁଁ ଏକୁଟିଆ ଅଛି, ମୋହିତ ଏବଂ ମୋ ମଧ୍ୟରେ କୌଣସି ବନ୍ଧୁତା ନାହିଁ’ । ଏହାକୁ ଶୁଣିବା ପରେ ଉଭୟଙ୍କ ଫ୍ୟାନ୍ସମାନଙ୍କୁ ବଡ ଝଟକା ଲାଗିଥିଲା । କିନ୍ତୁ ଏବେ ମୌନିଙ୍କୁ ଆଉ ଜଣେ ନୂଆ ସାଥୀ ମିଳିଯାଇଛନ୍ତି । ସେ ବ୍ୟକ୍ତି ଜଣଙ୍କ ହେଉଛନ୍ତି ଜଣେ ଫିଲ୍ମ ନିର୍ଦ୍ଦେଶକ ।
ଗତ କିଛି ଦିନ ହେବ ମୌନି ରାୟ ସୋସିଆଲ ମିଡିଆ ଜରିଆରେ ତାଙ୍କ ପ୍ରେମକୁ ନେଇ ହିଣ୍ଟ ଦେଇ ଆସୁଛନ୍ତି । ଆଜ୍ଞା ହଁ ମୌନି ରାୟ ଏବଂ ଅୟାନ ମୁଖାର୍ଜିଙ୍କ ମଧ୍ୟରେ ଥିବା ସମ୍ପର୍କ କଥା ଏବେ ଚାରିଆରେ ଶୁଣିବାକୁ ମିଳୁଛି । ଅନେକ ଦିନ ହେବ ମୌନି ସୋସିଆଲ ମିଡିଆରେ ଅୟାନଙ୍କ ସହ କିଛି ଫଟୋ ସେୟାର କରିବା ସହ କ୍ୟାପସନ୍ ରେ ବୟଫ୍ରେଣ୍ଡ ଶଦ୍ଧ ବ୍ୟବହାର କରୁଥିବା ଦେଖିବାକୁ ମିଳୁଛି ।
ନିକଟରେ ମୌନି ରାୟ ସୋସିଆଲ ମିଡିଆରେ ଆଉ ଏକ ଫଟୋ ପୋଷ୍ଟ କରିଥିଲେ । ଯେଉଁଥିରେ ଦୁହିଁଙ୍କ ସମ୍ପର୍କର ନିବିଡତା ଦେଖିବାକୁ ମିଳିଥିଲା । ମୌନି ଏହି ଫଟୋକୁ ସେୟାର କରିବା ସହ ସେ ଅୟାନଙ୍କୁ ମିସ୍ କରୁଛନ୍ତି ବୋଲି ଲେଖିଥିଲେ । ଏହାସହିତ ସେ ଅୟାନଙ୍କ ସହ କଥା ହେବାକୁ ପସନ୍ଦ କରନ୍ତି ବୋଲି ଲେଖିଥିଲେ ।
ଏବେ ମୌନି ,ଅୟାନ ମୁଖାର୍ଜିଙ୍କ ଦ୍ୱାରୋ ନିର୍ଦ୍ଦଶିତ ଫିଲ୍ମ ‘ବ୍ରହ୍ମାସ୍ତ୍ର’ର ସୁଟିଂ ରେ ବ୍ୟସ୍ତ ଅଛନ୍ତି । ଏହି ଫିଲ୍ମରେ ମୌନିଙ୍କ ସହିତ ଆଲିଆ ଭଟ୍ଟ, ରଣବୀର କପୁର ଏବଂ ଅମିତାଭ ବଚ୍ଚନ ବି ନଜର ଆସିବେ ।
