ନୂଆଦିଲ୍ଲୀ (ଏଟିଆର ବ୍ୟୁରୋ): ଗତ କିଛି ବର୍ଷ ହେବ ଭାରତୀୟ କ୍ରିକେଟ୍ ଅଧିନାୟକ ବିରାଟ କୋହଲି ଖେଳରେ ଭଲ ପ୍ରଦର୍ଶନ କରି ସର୍ବଶ୍ରେଷ୍ଠ ଖେଳାଳିରେ ଗଣା ହୋଇଛନ୍ତି । ସେ ପ୍ରାୟତଃ ଅନେକ ବଡ ବଡ ଦେଶକୁ ଯାଇ ଭଲ ପ୍ରଦର୍ଶନ କରିଛନ୍ତି । ଭାତରୀୟ କ୍ରିକେଟ୍ ଅଧିନାୟକ ବିରାଟ କୋହଲିଙ୍କୁ ନେଇ ନିକଟରେ ଶ୍ରୀଲଙ୍କାର ପୂର୍ବତନ ଖେଳାଳି କୁମାର ସାଙ୍ଗାକାରା ଏକ ବୟାନ ଦେଇଛନ୍ତି । ସେ ବିରାଟଙ୍କର ପ୍ରଶଂସା କରି କରହିଛନ୍ତି କି, ଆଜିକା ଦିନରେ ବିରାଟ କୋହଲି ଜଣେ ବହୁତ ଭଲ ବ୍ୟାଟ୍ସମ୍ୟାନ୍ । କଡା ଅସୁବିଧାରେ ପଡିଥିବା ସମୟରେ କିଭଳି ଏହି ପରିସ୍ଥିତିରୁ ବାହାରକୁ ବାହାର କରାଯିବ ତାହା ଭଲ ଭାବେ ଏହି ଖେଳାଳି ଜାଣିଛନ୍ତି ।
ସାଙ୍ଗାକାରା ଆହୁରୀ ମଧ୍ୟ କହିଛନ୍ତି କି, ବିରାଟ କୋହଲି ବହୁତ ଭଲ ବ୍ୟାଟିଂ କରୁଛନ୍ତି, ଏହା ତାଙ୍କ କ୍ରିକେଟ କ୍ୟାରିୟରର ଶେଷ ପର୍ଯ୍ୟନ୍ତ ବିଶ୍ୱ କ୍ରିକେଟରର ସବୁଠାରୁ ମହାନ ଏବଂ ଭଲ ବ୍ୟାଟ୍ସମ୍ୟାନ । ଦୁନିଆର ସବୁଠାରୁ ମହାନ ଏବଂ ଦିଗଜ୍ଜ ବ୍ୟାଟିଂ ରେ ତାଙ୍କ ନାଁ ଗଣାଯିବ । ଖୁବ୍ ଦୃତ ଗତିରେ ଭାରତୀୟ କ୍ରିକେଟର ମହାନ ତାଲିକାରେ ସାମିଲ ହୋଇଥିବା ଖେଳାଳିଙ୍କ ମଧ୍ୟରୁ ଜଣେ ହେଉଛନ୍ତି ବିରାଟ କୋହଲି । ଏହାସହିତ ଶ୍ରୀଲଙ୍କାର ଖେଳାଳି ସାଙ୍ଗାକାରା କହିଛନ୍ତି କି , ବିଶ୍ୱ କପ୍ ରେ ବିରାଟ କୋହଲି ଭାରତୀୟ ଟିମ୍ ପାଇଁ ଜଣେ ମହତ୍ୱପୂର୍ଣ୍ଣ ଖେଳାଳି ଭାବେ ପ୍ରମାଣିତ ହେବେ ।
