ନୂଆଦିଲ୍ଲୀ (ଏଟିଆର ବ୍ୟୁରୋ): ଭାଲେଣ୍ଟାଇନ୍ ଅବସରରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଏକ ଭିଡିଓ ଖୁବ୍ ଜୋରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ଜଣେ ମହିଳା ମଞ୍ଚ ଉପରେ ରାହୁଲ ଗାନ୍ଧୀଙ୍କୁ କିସ୍ କରୁଥିବାର ନଜର ଆସିଛି । ପ୍ରକୃତରେ ମଞ୍ଚ ଉପରେ ମହିଳା ଜଣଙ୍କ ରାହୁଲ ଗାନ୍ଧୀଙ୍କୁ ସ୍ୱାଗତ କରିବାକୁ ଯାଇଥିଲେ ସେହି ସମୟରେ ସେ ରାହୁଲଙ୍କ ମୁଣ୍ଡକୁ ଧରି ନିଜ ଆଡକୁ ଟାଣି କିସ୍ କରିଥିଲେ । ଏହି ଦୃଶ୍ୟ କ୍ୟାମେରାରେ କଏଦ ହୋଇଥିଲା । ଯାହା ଏବେ ସୋସିଆଡେ ମିଡିଆରେ ଭାଇରାଲ ହେଉଛି । ଯାହାକୁ ନେଇ ଏବେ ରାଜନୈତିକ ଗଳିକନ୍ଦିରେ ଚର୍ଚ୍ଚା ଜୋର୍ ଧରିଛି । ସେପଟେ ମହିଳା ଜଣଙ୍କ କିଏ ସେନେଇ କୌଣସି ସ୍ପଷ୍ଟ ହୋଇ ନାହିଁ ।
#WATCH A woman kisses Congress President Rahul Gandhi during a rally in Valsad, #Gujarat pic.twitter.com/RqIviTAvZ9
— ANI (@ANI) February 14, 2019
ପ୍ରକୃତରେ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ରାହୁଲ ଗାନ୍ଧୀ ଅନେକ ସଭାରେ ଯୋଗ ଦେଉଛନ୍ତି । ସେହିପରି ଆଜି ଗୁଜୁରାଟର ବଲସାଡର ଏକ ର୍ୟାଲିରେ ରାହୁଲ ଗାନ୍ଧୀ ସାମିଲ ହୋଇ ସମ୍ବୋନ୍ଧିତ କରିଛନ୍ତି । ବାଲସାଡ ରେ ଆୟୋଜିତ ହୋଇଥିବା ମଞ୍ଚରେ ରାହୁଲ ଗାନ୍ଧୀ ପହଁଚିବା ପରେ ମହିଳାମାନେ ତାଙ୍କୁ ସ୍ୱାଗତ କରିବା ପାଇଁ ମଞ୍ଚ ଉପରକୁ ଫୁଲ ମାଳ ଧରି ଯାଇଥିଲେ । ସେହି ସମୟରେ ଜଣେ ମହିଳା ରାହୁଲଙ୍କୁ ଧରି ତାଙ୍କ ମଥାରେ ଚୂମ୍ବନ ଦେଇଦେଇଥିଲେ ।
ଏହାପରେ ରାହୁଲ ଗାନ୍ଧୀ ଅଗାମୀ ଲୋକସଭାକୁ ନଜରରେ ରଖି କଂଗ୍ରେସ ଜନ ଆକ୍ରୋଷ ର୍ୟାଲିକୁ ସମ୍ବୋନ୍ଧିତ କରିଥିଲେ । ଏହାସହିତ କେନ୍ଦ୍ର ତଥା ରାଜ୍ୟର ବିଜେପି ସରକାରଙ୍କୁ ଟାର୍ଗେଟ କରିଛନ୍ତି ।
