ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଏବଂ ଟେଲିଭିଜନ ଇଣ୍ଡଷ୍ଟ୍ରୀର ମଶୁର ପ୍ରଯୋଜକ ଏକତା କପୁର ଅନେକ ଫିଲ୍ମ ଏବଂ ସିରିଏଲ ପ୍ରଯୋଜନା କରିଛନ୍ତି । କିଛି ଦିନ ପୂର୍ବରୁ ବଲିଉଡର କିଛି ପ୍ରଯୋଜକ, ନିର୍ଦ୍ଦେଶକ ଏବଂ ଅଭିନେତାଙ୍କ ଟିମ୍ ପ୍ରଧାନମନ୍ତ୍ରୀଙ୍କୁ ସାକ୍ଷାତ କରିବା ପାଇଁ ଦିଲ୍ଲୀରେ ପହଁଚିଥିଲେ । ସେଠାରେ ବଲିଉଡ ଇଣ୍ଡଷ୍ଟ୍ରୀର ଅନେକ ପ୍ରସଙ୍ଗ ଉପରେ ବାର୍ତ୍ତାଳାପ ହୋଇଥିଲା ।
ନିକଟରେ ଏକତା ଏକ ଇଣ୍ଟରଭ୍ୟୁରେ ନିଜର ଆଗାମୀ ପ୍ରୋଜେକ୍ଟସ ଏବଂ ପ୍ରଧାନମନ୍ତ୍ରୀଙ୍କ ସହ ହୋଇଥିବା ସାକ୍ଷାତକାର ବିଷୟରେ ଆଲୋଚନା କରିଛନ୍ତି । ଯେତେବେଳେ ଇଣ୍ଟରଭ୍ୟୁରେ ତାଙ୍କୁ ପ୍ରଧାନମନ୍ତ୍ରୀଙ୍କ ସହ ସାକ୍ଷାତ କରିବାର ଅନୁଭବ ବିଷୟରେ ପଚରାଗଲା, ତେବେ ସେ ଉତ୍ତର ଦେଇ କହିଥିଲେ କି, ‘ପ୍ରଧାନମନ୍ତ୍ରୀଙ୍କୁ ଦେଖା କରିବା ପାଇଁ ସମସ୍ତ ଅଭିନେତା ଏବଂ ଅଭିନେତ୍ରୀମାନେ ଥିଲେ । କିନ୍ତୁ କରଣ ଏବଂ ଅଶ୍ୱିନୀଙ୍କ ବ୍ୟତିତ ମୁଁ ମଧ୍ୟ ସାମିଲ ଥିଲି । ପ୍ରଥମେ ଆମମାନଙ୍କୁ ବହୁତ ଡର ଲାଗୁଥିଲା କିନ୍ତୁ ପ୍ରଧାନମନ୍ତ୍ରୀଙ୍କୁ ସାକ୍ଷାତ କରି ବହୁତ ଭଲ ଲାଗିଲା ।’
ଇଣ୍ଟରଭ୍ୟୁରେ ଏକତା ଆହୁରୀ ମଧ୍ୟ କହିଥିଲେ କି , ନିଜ କାମକୁ ନେଇ ଏତେ ମାତ୍ରାରେ ପ୍ରତିଶୃତିବଦ୍ଧ ମଣିଷ ମୁଁ ଜୀବନରେ ପ୍ରଥମ ଥର ଦେଖିଲି । ତାଙ୍କୁ ଆମ ସମସ୍ତଙ୍କର ନାମ, କାମ ଏବଂ କ୍ୟାରିୟର ଚାର୍ଟ ବିଷୟରେ ସବୁ କିଛି ଜଣା ଥିଲା । ଏହାବ୍ୟତିତ ସେ ଆୟୁଷ୍କାନ ଏବଂ ରଣବୀରଙ୍କ ପରିବାର ସଦସ୍ୟଙ୍କ ସ୍ୱାସ୍ଥ୍ୟ ସମ୍ପର୍କରେ ବି ପଚାରି ବୁଝିଥିଲେ ।
କେବଳ ଏତିକି ନୁହେଁ ପ୍ରଧାନମନ୍ତ୍ରୀଙ୍କୁ ନେଇ ଏକତା ଆହୁରୀ ମଧ୍ୟ କହିଥିଲେ କି, ‘ ପ୍ରଧାନମନ୍ତ୍ରୀ ଆମକୁ ବହୁତ ସମ୍ମାନ ଦେବା ସହ ସେ ଆମକୁ ବହୁତ ଭଲ ଭାବେ ଜାଣିଥିଲେ । ଏହାସହିତ ଆମେ ସୋସିଆଲ ମିଡିଆକୁ ଇଣ୍ଡଷ୍ଟ୍ରୀ ମାଧ୍ୟମରେ ସକରାତ୍ମକ ମେସେଜ୍ ଦେବା ପାଇଁ ସେ କହିଥିଲେ । ତାପରେ ଆମେ ଏଭଳି କରିବୁ ବୋଲି ପ୍ରଧାନମନ୍ତ୍ରୀଙ୍କୁ ପ୍ରତିଶୃତି ଦେଇଥିଲୁ । ସେ ମୋ ସହ ୧୦ ମିନିଟ୍ କଥା ହେବା ସହ ମୁଁ କେଉଁ ପ୍ରକାରର କାହାଣୀ ଉପରେ କାମ କରୁଛି ବୋଲି ପଚାରି ବୁଝିବା ସହ ମୋ କାମ ପାଇଁ ପ୍ରଶଂସା ମଧ୍ୟ କରିଥିଲେ । ’
