ମୁମ୍ବାଇ (ଏଟିଆର ବ୍ୟୁରୋ): ବାୟୁସେନାର ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ପାକିସ୍ତାନ ରୁ ଶୁକ୍ରବାର ଭାରତକୁ ପଠାଇ ଦିଆଯାଇଛି । ଦୀର୍ଘ ଦୁଇ ଦିନ ଯାଏଁ ଶତ୍ରୁ କବଜାରେ ରହିଥିଲେ ଅଭିନନ୍ଦନ । ଅଭିନନ୍ଦନଙ୍କ ଭାରତ ଫେରିବା ଖବର ଘୋଷଣା ହେବା ପରେ ତାଙ୍କୁ ସ୍ୱାଗତ ଜଣାଇବା ପାଇଁ ୱାଘା ଅଟାରି ବର୍ଡରରେ ଜନସମୁଦ୍ର ଦେଖିବାକୁ ମିଳିଥିଲା ଜିୟ ହିନ୍ଦ୍ ସମତେ ସ୍ୱାଗତ ଧ୍ୱନିରେ କମ୍ପି ଉଠୁଥିଲା ବର୍ଡର । କିଏ ହାତରେ ତିରଙ୍ଗା ଧରିଥାନ୍ତି ତ ଆଉ କିଏ ଫୁଲ ମାଳ । ଅଭିନନ୍ଦନଙ୍କ ଭାରତ ଫେରନ୍ତାକୁ ନେଇ ସମସ୍ତଙ୍କ ମୁହଁରେ ଗୋଟିଏ ସ୍ୱର ସ୍ୱାଗତ ଅଭିନନ୍ଦନ । ଏହାସହିତ ବଲିଉଡ କଳାକାର ମାନେ ମଧ୍ୟ ଭିନ୍ନ ଭିନ୍ନ ଉପାୟରେ ଅଭିନନ୍ଦନଙ୍କୁ ସ୍ୱାଗତ ଜଣାଇଥିଲେ ।
ଇତି ମଧ୍ୟରେ କମାଣ୍ଡରଙ୍କୁ ନିଆରା ଢଙ୍ଗରେ ସ୍ୱାଗତ ଜଣାଇ ଟ୍ରୋଲର ଶିକାର ହୋଇଛନ୍ତି ଅଭିନେତ୍ରୀ ମାହିକା ଶର୍ମା । ସେ ସର୍ବଦା ନିଜର ବାୟନ ଏବଂ ବୋଲ୍ଟ ଫଟୋସୁଟ୍ ପାଇଁ ଚର୍ଚ୍ଚାରେ ରହିଥାନ୍ତି । ସେ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ପୋଷ୍ଟ କରି କମାଣ୍ଡରଙ୍କୁ ଅପେକ୍ଷା କରିଥିବାର କହିଛନ୍ତି । ଏହି ଫଟୋରେ ସେ ଏକ ବିକିନି ପିନ୍ଧି କମାଣ୍ଡରଙ୍କ ଅପେକ୍ଷାରେ ଅଛନ୍ତି ।
ତାଙ୍କର ଏହି ପୋଷ୍ଟକୁ ଦେଖି ସୋସିଆଲ ମିଡିଆରେ ୟୁଜର୍ସ ତାଙ୍କୁ ଟ୍ରୋଲ କରିଛନ୍ତି । ତାଙ୍କର ଏହି ପୋଷ୍ଟ ଉପରେ ୟୁଜର୍ସମାନେ ତାଙ୍କୁ ଖରାପ କମେଂଟ ମଧ୍ୟ କରିଛନ୍ତି । କିଛି ୟୁଜର୍ସ ଲେଖିଛନ୍ତି କି ବିକିନି ପିନ୍ଧି କିଏ ଅପେକ୍ଷା କରେ, ତ ପୁଣି କିଛି ୟୁଜର୍ସ ତାଙ୍କର ମଜାକ ଉଡାଇ ଲେଖିଛନ୍ତି ଅଭିନନ୍ଦନଙ୍କୁ ସ୍ୱାଗତ କରିବାର ଏହା ଭଲ ଉପାୟ । ଏହାସହିତ ଏହାକୁ ନେଇ ସୋସିଆଲ ମିଡିଆରେ ଆଲୋଚନା ମଧ୍ୟ ଜୋର ଧରିଛି ।
ଏହାବ୍ୟତିତ ମାହିକା ଶର୍ମା ତାଙ୍କ ଅଫିସିଆଲ ଇଂଷ୍ଟାଗ୍ରାମ ପେଜ୍ ରେ ଆଉ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ଅଭିନନ୍ଦନଙ୍କ ଫଟୋ ସେୟାର କରି ତାଙ୍କ ସ୍ୱାଗତ ପାଇଁ ଲେଖିଛନ୍ତି କି, ‘ଅଭିନନ୍ଦନ ହିଁ ଭାରତର ଅସଲ ହିରୋ, ଏବେ ସଲମାନ୍ ଖାନ୍, ସାହରୁଖ୍ ଖାନ୍ ଏବଂ ଅମୀର ଖାନ୍ ଙ୍କୁ ଭୁଲିଯାଅ । ଯେତେବେଳେ ମୁଁ ତାଙ୍କ ସହ ଦେଖା ହେବି ମୋତେ ବହୁତ ଭଲ ଲାଗିବ ।’
ଖବରମୁତାବକ, ମାହିକା ଶର୍ମା ଟିଭି ସିରିଏଲ ‘ରାମାୟଣ’ ଏବଂ ‘ଏଫଆଇଆର’ ଭଳି ସିରିଏଲରେ ନଜର ଆସି ସାରିଛନ୍ତି । ଏହାସହିତ ସେ ବ୍ରିଟିଶ୍ ପର୍ଣ୍ଣ ଷ୍ଟାରଙ୍କ ସହ ମିଶି ଏକ ପ୍ରଡକ୍ସନ ହାଉସ ମଧ୍ୟ କାମ ଆରମ୍ଭ କରିଛନ୍ତି ।
