ନୂଆଦିଲ୍ଲୀ (ଏଟିଆର ବ୍ୟୁରୋ): ମୁକେଶ ଅମ୍ବାନୀଙ୍କ ପୁଅ ଆକାଶ ଅମ୍ବାନୀଙ୍କର ଆଜି ହେଉଛି ବାହାଘର । ଆକାଶ ତାଙ୍କ ପିଲା ଦିନର ସାଥୀ ଶ୍ଲୋକା ମେହେତାଙ୍କ ସହ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଜିଓ ୱାଲ୍ଡ ସେଣ୍ଟରରେ ଦୁହିଁଙ୍କ ବିବହଳ ହେବ । ଏହି ବାହାଘର ପାଇଁ ବଧୂ ବେଶରେ ସଜେଇ ହୋଇଛି ଏଣ୍ଟିଲିଆ ହାଉସ୍ ।
ବାହାଘର ପାଇଁ ସମ୍ପୂର୍ଣ୍ଣ ଫୁଲରେ ସଜା ହୋଇଛି ଏଣ୍ଟିଲିଆ ହାଉସ । ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସବୁଠୁ ଖାସ୍ କଥା ହେଉଛି ଫଲରେ ଘୋଡା ତିଆରି କରାଯାଇଛି । ଯାହା ଦେଖିବାକୁ ଖୁବ୍ ସୁନ୍ଦର ଲାଗୁଛି । ଏଥିପାଇଁ ଧଳା, ଲାଲା ଏବଂ ଗୋଲାପି ରଙ୍ଗର ଫୁଲ ବ୍ୟବହାର କରାଯାଇଛି । ହୁଏତ ଏ ଘୋଡା ପ୍ରକୃତରେ କୃତ୍ରିମ କିନ୍ତୁ ଦେଖିବାକୁ ଅବିକଳ ପ୍ରାକୃତିକ ଭଳି ଦିଶୁଛି ।
ଏଣ୍ଟିଲିଆ ହାଉସ ଭିତରେ ଘୋଡା ବ୍ୟତିତ ହାତୀ ମଧ୍ୟ ତିଆରି କରାଯାଇଛି । ଏଥିପାଇଁ ସବୁଜ ଏବଂ ଗୋଲାପୀ ରଙ୍ଗର ଫୁଲ ବ୍ୟବହାର କରାଯାଇଛି । ଏହାସହିତ ଧଳା ଫୁଲରେ ଏକ ଛୋଟ ହାତୀ ମଧ୍ୟ ତିଆରି କରାଯାଇଛି । ଏହାବ୍ୟତିତ ପୂରା ଏଣ୍ଟିଲିଆ ହାଉସର ଫଟୋ ସାମ୍ନାକୁ ଆସିଛି ।
ବାହାଘରର ସମସ୍ତ ରଶମ ୩ ଦିନ ଯାଏଁ ଚାଲିବ । ଏହାପରେ ମାର୍ଚ୍ଚ ୧୧ରେ ଅମ୍ବାନୀ ପରିବାର ପକ୍ଷରୁ ଏକ ଗ୍ରାଣ୍ଡ ୱେଡିଙ୍ଗ ରିସେପସନର ଆୟୋଜନ କରାଯାଇଛି । ଯେଉଁଥିରେ ବଲିଉଡ,ପଲିଟିକ୍ସ, ଖେଳ ଏବଂ ବ୍ୟବସାୟ ଦୁନିଆର ଅନେକ ନାମୀ ଦାମୀ ବ୍ୟକ୍ତି ସାମିଲ ହେବେ ।
