ଭୁବନେଶ୍ୱର(ଏଟିଆର ବ୍ୟୁରୋ): ମୁଖ୍ୟମନ୍ତ୍ରୀଙ୍କ ଫିଟିନେସ ଭିଡିଓ ଭାଇରାଲ ହେବାର କେଇ ଘଣ୍ଟାପରେ ସମାଲୋଚନା କଲେ କଂଗ୍ରେସ ନେତା ସୁର ରାଉତରାୟ । ସବୁବେଳେ ଗଣମାଧ୍ୟମରେ ମଜାଳିଆ କଥା କହୁଥିବା ସୁର ବାବୁ ଏବେ ନବୀନଙ୍କ ସହିତ କରିବେ ଦୌଡ ପ୍ରତିଯୋଗିିତା । ଧଳା ପାଇଜାମାରେ ସବୁବେଳେ ନଜର ଆସୁଥିବା ମାନ୍ୟବର ମୁଖ୍ୟମନ୍ତ୍ରୀ ଏହି ଭିଡିଓ ରେ ଏକ କଳା ରଂଗର ଟି ସାର୍ଟରେ ଜଗିଙ୍ଗ କରୁଥିବାର ଦେଖିବାକୁ ମିଳିଥିଲା ।
ଯାହା ଗତ କାଲି ସୋସିଆଲ ମିଡିଆ ଠାରୁୂ ଆରମ୍ଭ କରି ଟିଭି ଚ୍ୟାନେଲ ମାନଙ୍କରେ ମୁଖ୍ୟ ପ୍ରସଙ୍ଗ ପାଲଟି ଥିଲା । କେହି କେହି ଏହାକୁ ସକରାତ୍ମକ ଦୃଷ୍ଟିରେ ଦେଖୁଥିବା ବେଳେ ବିରୋଧୀ ଏହାକ ନେଇ ନାନା ମନ୍ତବ୍ୟ ଦେଇଥିଲେ । କଂଗ୍ରେସ ଭବନ ଠାରେ ହେଉଥିବା ଏକ ସାମ୍ବାଦିକ ସମ୍ମିଳନୀରେ ଜଟଣୀ ବିଧାୟକ ପ୍ରାର୍ଥୀ ସୁର ରାଉତରାୟ ନିଜ ସହିତ ନବୀନଙ୍କୁ ଦୌଡିବାକୁ ଖୋଲାଖୋଲି ଚ୍ୟାଲେଞ୍ଜ କରିଛନ୍ତି ।
ସୁର କହିଛନ୍ତି ନବୀନ ମୋ ଠାରୁ ବୟସର ଛୋଟ । ଯଦି ସେ ନିଜକୁ ଫିଟ୍ ବୋଲି କହୁଛନ୍ତି ତେବେ ମୋ ସହିତ ତାଙ୍କର ମାଷ୍ଟର କ୍ୟାଣ୍ଟିନ୍ ଠାରୁ ରାଜ ମହଲ ପର୍ଯ୍ୟନ୍ତ ଗୋଟେ ଦୈାଡ ପ୍ରତିଯୋଗିତା ହଉ ବୋଲି ସୁର ଆହ୍ୱାନ କରିଛନ୍ତି । ସୁରଙ୍କର ଏହି ବୟାନ ରାଜ୍ୟରେ ବର୍ତ୍ତମାନ ବହୁଥିବା ନିର୍ବାଚନୀ ତାତିକୁ ଟିକେ ମସଲା ଯୋଗାଇଛି ।
