ଭୁବନେଶ୍ୱର ( ଏଟିଆର ବ୍ୟୁରୋ) : ବିଜେଡି ସୁପ୍ରିମୋ ନବୀନ ପଟ୍ଟନାୟକ ଆଜି ଗଜପତି ଓ ରାୟଗଡାରେ ଦଳୀୟ ପ୍ରଚାରରେ ଯୋଗ ଦେବାର କାର୍ଯ୍ୟକ୍ରମ ରହିଛି । ନିର୍ବାଚନକୁ ଆଖି ଆଗରେ ରଖି ନବୀନ ଏହି ଗସ୍ତ କରିବେ । ଏହି ଅବସରରେ ବିଭିନ୍ନ ସ୍ଥାନରେ ଦଳୀୟ ସଭାରେ ଯୋଗ ଦେବାର କାର୍ଯ୍ୟକ୍ରମ ରହିଛି । ଏଥି ସମେତ ବିଶମକଟକ ଜେକେ ପୁର, ମୋହନା ଏବଂ ପାରଳା ଖେମୁଣ୍ଡିରେ ରୋଡ ସୋ କରିବେ ।
ପ୍ରଥମେ ସେ ରାୟଗଡା ଗୁଣୁୁପୁରରେ ପହଞ୍ଚି ସେଠାରେ ସେ ଏକ ରୋଡ ସୋ କରି ନିର୍ବାଚନୀ ସଭାରେ ଯୋଗଦେବେ । ଏହି ଅବସରରେ ଜିଲ୍ଲା ପ୍ରଶାସନ ପକ୍ଷରୁ ସେଠାରେ କଡା ସୁରକ୍ଷା ବ୍ୟବସ୍ଥା କରାଯାଇଛି । ବିଜୁ ପଟ୍ଟନାୟକ ବିମାନ ବନ୍ଦରରୁ ସେ ହେଲିକପ୍ଟର ଯୋଗେ ଗୁଣୁପୁରରେ ପହଞ୍ଚିବେ । ମୋହନା ମକ୍କ୍ା ପଡାଠାରେ ସେ ଏକ ସାଧାରଣ ସଭାରେ ଜନତାଙ୍କୁ ସମ୍ବୋଧନ କରିବେ ।
