ଆସିକା ( ଏଟିଆର ବ୍ୟୁରୋ): ଭୋଟ ଦେବାକୁ ଆସିଥିଲେ ଧାଡିରେ ବି ଠିଆ ହୋଇଥିଲେ ନିଜର ପସନ୍ଦର ପ୍ରାର୍ଥୀକୁ ଭୋଟ ଦେବା ପାଇଁ । କିନ୍ତୁ ପୂରଣ ହେଲା ନି ତାଙ୍କର ଏଇ ଇଚ୍ଛା । ଭୋଟ ଦେବାକୁ ଆସି ଲାଇନ୍ରେ ଠିଆ ହେବାଟା ହେଲା ତାଙ୍କ ପାଇଁ କାଳ । ଏମତି ଏକ ଘଟଣା ଘଟିଛି ଗଞ୍ଜାମ ଆସିକା ସାନଖେମୁଣ୍ଡି ବୁଥରେ । ଜଣେ ୯୫ ବର୍ଷୀୟ ବୃଦ୍ଧ ଭୋଟ ଦେବାକୁ ଆସି ମୃତ୍ୟୁ ବରଣ କରିଛନ୍ତି ।
ସୂଚନା ଅନୁସାରେ ମୃତ ହୋଇଥିବା ବୃଦ୍ଧ ନଟବର ବେହେରା ଆଜି ଭୋଟ ଦେବାକୁ ବୁଥରେ ପହଞ୍ଚି ଥିଲେ ସେଠାରେ ଆଗରୁ ଠିଆ ହୋଇଥିବା ଭୋଟରଙ୍କ ସହିତ ଧାଡିରେ ମଧ୍ୟ ଠିଆ ହୋଇଥିଲେ । ଧାଡିରେ କିଛି ସମୟ ଠିଆ ହେଲା ପରେ ହଠାତ୍ ନଟବର ତଳେ ପଡିଯାଇ ସଜ୍ଞା ହରାଇଥିଲେ । ପରେ ପରିବାର ଲୋକଙ୍କ ସହିତ ସେଠାରେ ଉପସ୍ଥିତ ସ୍ଥାନୀୟ ଲୋକ ନଟବରଙ୍କୁ ଡାକ୍ତରଖାନା ନେଇଥିଲେ । ପରେ ଡାକ୍ତର ନଟବରଙ୍କୁ ମୃତ ଘୋଷଣା କରିଥିଲେ । ଖରା ସହିନପାରି ନଟବର ମୃତ୍ୟୁବରଣ କରିଥିବା ଆଲୋଚନା ହେଉଛି ।
