କେନ୍ଦ୍ରାପଡା ( ଏଟିଆର ବ୍ୟୁରୋ): ଆଗାମୀ ଚତୁର୍ଥ ପର୍ଯ୍ୟାୟ ନିର୍ବାଚନ ଲାଗି ଆଜି ଓଡିଶା ଆସୁଛନ୍ତି ମୋଦି । ଆଗାମୀ ୨୯ ତାରିଖରେ ହେବାକୁ ଥିବା ଚତୁର୍ଥ ପର୍ଯ୍ୟାୟ ଲାଗି ଦଳକୁ ମଜବୁତ କରିବାକୁ ମୋଦି ଓଡିଶା ଗସ୍ତରେ ଆସୁଛନ୍ତି । ଏହି ଅବସରରେ ଆଜି କେନ୍ଦ୍ରାପଡା ବାରୁଅ ଠାରେ ହେବାକୁ ଥିବା ନିର୍ବାଚନ ପ୍ରଚାରରେ ସେ ଯୋଗ ଦେଇ ଭୋଟରଙ୍କୁ ଉଦଭୋଧନ ଦେବେ । ପ୍ରଥମେ ମୋଦି ଆଜି ଗୁଜୁରାଟର ଅହମଦାବାଦ ରଣିପସ୍ଥିତ ଏକ ନିଶାନ ଉଚ୍ଚ ପ୍ରାଥମିକ ବିଦ୍ୟାଳୟରେ ସେ ନତଜର ମତଦାନ ଦେଇ ସେଠାରୁ ଓଡିଶା ଗସ୍ତରେ ଆସିବେ ।
ଦିନ ସାଢେ ୧୧ ଟାରେ ମୋଦି କେନ୍ଦ୍ରାପଡାରେ ପହଞ୍ଚିବାର କାର୍ଯ୍ୟକ୍ରମ ରହିଛି । ପ୍ରଧାନମନ୍ତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ପୁଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି । ଆଜିର ଏହି ସଭାରେ ପ୍ରଧାନମନ୍ତ୍ରୀଙ୍କ ସମେତ ଓଡିଶା ପ୍ରଭାରୀ ଅରୁଣ ସିଂ , କେନ୍ଦ୍ରାପଡା ଲୋକସଭା ପ୍ରାର୍ଥୀ ବୈଜୟନ୍ତ ପଣ୍ଡାଙ୍କ ସମେତ କେନ୍ଦ୍ରାପଡାର ସମସ୍ତ ବିଧାୟକ ପ୍ରାର୍ଥୀ ଏଠାରେ ଉପସ୍ଥିତ ରହିବାର ସୂଚନା ମିଳିଛି ।
