ଭୁବନେଶ୍ୱର (ଏଟିଆର ବ୍ୟୁରୋ); ରାଜ୍ୟରେ ମାତ୍ର ଗୋଟିଏ ଆସନକୁ ଛାଡିଦେଲେ ବାକି ସବୁ ନିର୍ବାଚନ ମଣ୍ଡଳୀରେ ସରିଛି ମତଦାନ । ତେବେ ଆଗାମି ଫଳାଫଳକୁ ନେଇ ରାଜନୈତିକ ବିଶାରଦଙ୍କଠାରୁ ଆରମ୍ଭ କରି ନେତା ସମସ୍ତେ ନିଜ ନିଜର ଅଙ୍କ କଷି ସାରିଛନ୍ତି । ତେବେ ଏହାରି ଭିତରେ ସାମ୍ବାଦିକତାରୁ ବିଜେଡି ମିଡିଆସେଲର ଅଧ୍ୟକ୍ଷ ହୋଇଥିବା ସତ୍ୟଜିତବିମଳ ମିଶ୍ର ଦଳ ପାଇଁ ରାଜନୈତିକ ଅଙ୍କ କଷିଛନ୍ତି । ଆସନ୍ତା ମେ’୨୩ରେ ବାହାରିବାକୁ ଥିବା ନିର୍ବାଚନ ଫଳଫଳ ବିଜେଡି ସପକ୍ଷରେ ଯିବ । ସେ ନିଜର ସୋସିଆଲ ମିଡିଆ ସାଇଟ୍ ଫେସବୁକ ପେଜରେ ପୋଷ୍ଟ କରିଛନ୍ତି କି ସ୍କ୍ରିନସଟ କରି ରଖନ୍ତୁ ବିଜେଡି-୧୩୪ ।
ସତ୍ୟଜିତଙ୍କ ଏହି ପୋଷ୍ଟପରେ କମେଣ୍ଟରେ ବହୁ ବିଜେଡି ପ୍ରଂଶସକ ତାଙ୍କୁ ଧନ୍ୟବାଦ ଜଣାଇଛନ୍ତି । ଆଉ କେହି କେହି ଲେଖିଛନ୍ତି କି ଯଦି ବିଜେଡି ଏତେ ସିଟରେ ଜିତେ ତାହେଲେ ଆପଣଙ୍କୁ ପାର୍ଟି ମିଳିବ । ତେବେ ପୂର୍ବରୁ ଯେଉଁମାନେ ଆଗୁଆ ଫଳାଫଳକୁ ନେଇ ମତଦେଇଥିଲେ କେହି ବି ଏତେ ବଡ ପରିମାଣର ଅଙ୍କ କହିନଥିଲେ । ସତ୍ୟଜିତଙ୍କ ଏହି ଗଣିତ ପରେ ସମସ୍ତଙ୍କୁ ଚକିତ କରିଦେଇଛି ।
ବିଜେଡି ପୂର୍ବରୁ ୧୨୦ ପ୍ଳସର ଅଙ୍କକୁ ନେଇ ରାଜନୈତିକ ମଇଦାନକୁ ଓହ୍ଳାଇଥିବା ବେଳେ ବିଜେଡି ୧୦୦ ପ୍ଳସ ସିଟରେ ଜିତିବ ଏବଂ ସରକାର ଗଠନ କରିବ ବୋଲି ଦୃଢ଼ୋକ୍ତି ଦେଖାଇସାରିଛି । ତେବେ ଏମାନଙ୍କ ଅଙ୍କକଷାରେ ପଛରେ ପଡିରହିଛି କଂଗ୍ରେସ । ଦଳ ପକ୍ଷରୁ ଯଦି ଏତେ ବଡ ଅଙ୍କ କୁହାଯାଉନାହିଁ ତେବେ ମ୍ୟାଜିକ ଅଙ୍କ ଛୁଇଁବା ସହ ସରକାର ଗଠନ କରିବାର ଆଶା ବ୍ୟକ୍ତ କରିଛନ୍ତି । ତେବେ ସମସ୍ତ କଳ୍ପନା ଜଳ୍ପନାର ଅନ୍ତ ଆସନ୍ତା ମେ’୨୩ରେ ଜଣାପଡିବ ।
