ନୂଆଦିଲ୍ଲୀ (ଏଟିଆର ବ୍ୟୁରୋ); କ୍ରିକେଟ ମହାକୁମ୍ଭ ବିଶ୍ୱକପ ପାଇଁ ଆଉ ମାତ୍ର ୯ଦିନ ବାକି ରହିଛି । ତେବେ ଦଳରେ ଯୁବ ଖେଳାଳି ପନ୍ଥଙ୍କୁ ସ୍ଥାନ ମିଳିନାହିଁ । ସେ ଷ୍ଟାଣ୍ଡବାଇ ହିସାବରେ ରହିଛନ୍ତି । କିନ୍ତୁ ଭାରତୀୟ କ୍ରିକେଟ ପ୍ରେମୀମାନେ ଏବେ ମଧ୍ୟ ଚାହୁଁଛନ୍ତି କି ପନ୍ଥ ଦଳରେ ସାମିଲ ହୁଅନ୍ତୁ । ସୋସିଆଲ ମିଡିଆରେ ପନ୍ଥଙ୍କ ପ୍ରଂଶସକମାନେ ବିଭିନ୍ନ ପୋଷ୍ଟ ମଧ୍ୟ କରୁଥିବା ଦେଖିବାକୁ ମିଳୁଛି ।
ଦିନିକିଆ ବିଶ୍ୱକପ ପାଇଁ ଭାରତୀୟ ଦଳରେ ୧୫ ଜଣ ମଧ୍ୟରେ ସ୍ଥାନ ପାଇନାହାଁନ୍ତି ପନ୍ଥ । କିନ୍ତୁ ତାଙ୍କ ସୁନ୍ଦର ସଟ ପାଇଁ ଦର୍ଶକମାନେ ତାଙ୍କୁ ଦଳରେ ସାମିଲ କରିବା ପାଇଁ ଯୁକ୍ତି ବାଢ଼ୁଛନ୍ତି । ଦଳ ଘୋଷଣା ହେବା ପରେ ବିଶ୍ୱ କ୍ରିିକେଟର ବହୁ କିମ୍ବଦନ୍ତି ଖେଳାଳିମାନେ ମଧ୍ୟ ପନ୍ଥଙ୍କ ପାଇଁ ଯୁକ୍ତି ବାଢ଼ିଥିଲେ । ଏମିତିକି ବଲିଉଡ କଳାକାରମାନେ ମଧ୍ୟ ପନ୍ଥଙ୍କୁ ବିଶ୍ୱକପ ଦରେ ଚାହାଁନ୍ତି ବୋଲି ଟ୍ୱିଟରେ ପ୍ରକାଶ କରିଛନ୍ତି ।
ପନ୍ଥ ହେଉଛନ୍ତି ଜଣେ ୱିକେଟ ରକ୍ଷକ ବ୍ୟାଟ୍ସମ୍ୟାନ । ଧୋନିଙ୍କ ସ୍ଥାନ ଦଳରେ ପୂର୍ବରୁ ପକ୍କା ହୋଇଥିବା ବେଳେ ଦ୍ୱିତୀୟ ୱିକେଟ କିପର ଭାବେ ପନ୍ଥ ସ୍ଥାନ ପାଇବେ ବୋଲି ଚର୍ଚ୍ଚା ହେଉଥିଲା । କିନ୍ତୁ ଦିନେଶ କାର୍ତ୍ତିକ ଦ୍ୱିତୀୟ ୱିକେଟ ରକ୍ଷକ ଭାବରେ ଦଳରେ ସ୍ଥାନ ପାଇଛନ୍ତି । ସେ ଅଭିଜ୍ଞ ହୋଇଥିବାରୁ ପନ୍ଥଙ୍କ ଅପେକ୍ଷା ତାଙ୍କ ଉପରେ ଅଧିକ ଭରଷା କରି ଦଳରେ ସାମିଲ କରାଯାଇଛି । ନିକଟରେ ଯାଇଥିବା ଆଇପିଏଲରେ ପନ୍ଥ ବଡ ବଡ ସଟ ମାରି ଦର୍ଶକଙ୍କ ମନ ଜିଣି ନେଇଛନ୍ତି ।
