ନୟାଗଡ (ଏଟିଆର ବ୍ୟୁରୋ); ସଦ୍ୟ ପ୍ରକାଶ ପାଇଛି ନିର୍ବାଚନୀ ଫଳାଫଳ । ନୟାଗଡ ଜିଲ୍ଲାର ରଣପୁର ନିର୍ବାଚନ ମଣ୍ଡଳୀରେ ସତ୍ୟନାରାୟଣ ପ୍ରଧାନ ବିଜୟ ହୋଇଛନ୍ତି । ସେ ନିଜର ନିକଟତମ ପ୍ରତିଦ୍ୱନ୍ଦୀ ବିଜେପିର ସୁରମା ପାଢ଼ୀଙ୍କୁ ପରାସ୍ତ କରିଛନ୍ତି । ଏଠାରେ ତିନି ପ୍ରମୁଖ ରାଜନୈତିକ ଦଳ ମଧ୍ୟରେ ହୋଇଥିଲା । ବିଜେଡି ଦୀର୍ଘଦିନ ହେବ ଏହି ଆସନରେ ବିଜୟ ହୋଇଆସୁଥିବା ସତ୍ୟବ୍ରତ ଜିତିବା ପୁଣିଥରେ ଗଡକୁ ବଜାୟ ରଖିଛନ୍ତି ।
ବିଜେଡି ପକ୍ଷରୁ ସତ୍ୟନାରାୟଣ ପ୍ରଧାନ ପ୍ରାର୍ଥୀ ହୋଇଥିବା ବେଳେ ବିଜେପିର ବରିଷ୍ଠ ମହିଳା ନେତ୍ରୀ ସୁରମା ପାଢ଼ୀ ଟକ୍କର ଦେଇଥିଲେ । ଏହି ଦୁଇ ନେତାଙ୍କ ଲଢ଼େଇରେ ପଛରେ ପଡିଯାଇଥିଲେ କଂଗ୍ରେସର ମିଲି ପଣ୍ଡା । ତିନି ଜଣଯାକ ପ୍ରାର୍ଥୀ ପ୍ରଚାର ଜୋରଦାର କରିଥିଲେ । ଭୋଟରଙ୍କ ମନ ମୋହିବା ପାଇଁ ଆପ୍ରାଣ ଚେଷ୍ଠା କରିଥିଲେ କିନ୍ତୁ ଶେଷ ସମୟରେ ସତ୍ୟନାରାୟଣ ପ୍ରଧାନ ବାଜି ମାରିନେଇଥିଲେ । ବିଜେଡି କର୍ମୀମାନେ ବେଶ ଖୁସିଅଛନ୍ତି ଏହି ବିଜୟ ପରେ ।
ଜିଲ୍ଲାର ୪ଟି ଯାକ ଆସନ ବିଜେଡି ଅକ୍ତିଆରରେ ରହିଛି । ୨୦୧୪ରେ ରଣପୁର ଆସନରେ ରବିନାରାୟଣ ମହାପାତ୍ର ବିଜୟ ହୋଇଥିଲେ । କିନ୍ତୁ ଏଥରକ ସତ୍ୟନାରାୟଣଙ୍କୁ ପ୍ରାର୍ଥୀ କରିଥିଲା ଦଳ । ଶେଷରେ ସେ ରଣପୁରରେ ରଣ ଜିତି ଦଳକୁ ବିଜୟର ଉପହାର ହେବାରେ ସଫଳ ହୋଇଛନ୍ତି । ପୁରୀ ଲୋକସଭା କ୍ଷେତ୍ରରେ ଯାଉଥିବା ଏହି ନିର୍ବାଚନ ମଣ୍ଡଳୀରେ ବିରୋଧୀମାନେ ଗଡ ଭାଙ୍ଗିବା ପାଇଁ ସକ୍ଷମ ହୋଇ ନାହାଁନ୍ତି ।
